कांग्रेस पुनर्गठनबारे प्रदीप पौडेलको प्रस्ताव : सबैले पद छोडौं, संयोजक तोकेर चुनावमा जाऔं

News Summary

Generated by OK AI. Editorially reviewed.

कांग्रेस नेता प्रदीप पौडेलले पार्टी पुनर्गठनका लागि सबैले पद छोडेर संयोजन तोकेर जानुपर्ने प्रस्ताव गरेका छन्।
पौडेलले महाधिवेशन नहुँदा सम्म पार्टीको संयोजक तोकेर पुनर्गठन गर्नुपर्ने र यथास्थितिको नेतृत्वमा पार्टी अघि बढ्न नसक्ने बताए।
महामन्त्री गगन थापाले पनि पार्टी पुनर्गठनका लागि आफ्नो पद त्याग्न तयार रहेको धारणा व्यक्त गरेका छन्।

३१ भदौ, काठमाडौं । कांग्रेस नेता प्रदीप पौडेलले पार्टी पुनर्गठन गर्ने हो भने सबैले पद छोडेर संयोजन तोकेर जानुपर्ने प्रस्ताव गरेका छन् ।

अहिले कै नेतृत्वबाट कांग्रेस अब अघि नबढ्ने भएकाले पुनर्गठनका लागि अब नयाँ ढंगले अघि बढ्नुपर्ने बताए ।

यो विषयमा आफूले पार्टीका अन्य नेताहरूसँग पनि छलफल गरिरहेको पौडेलले अनलाइनखबरलाई जानकारी दिए ।

‘अब महाधिवेशन नहुँदा सम्म पार्टीको संयोजक तोकेर पार्टी पुनर्गठन गर्नुपर्छ । यथास्थितिको नेतृत्वमा अब पार्टी अघि बढ्न सक्दैन,’ उनले भने,’ यसका लागि सबैले पदबाट राजीनामा गरेर एउटा नेतालाई संयोजन तोक्ने र सबै सदस्य भएर काम गर्नुपर्छ ।’

६ महिनाभित्र चुनावमा जानुपर्ने भएकाले अहिले महाधिवेशन गर्न समेत समस्या हुने भएकाले अब नेतृत्वको विषयमा निर्णयमा पुगेर अघि बढ्नुपर्ने बताए ।

परिवर्तनलाई आत्मसात् गर्दै अघि नबढ्दा कांग्रेस माथि उठ्न नसक्ने उनले बताए ।

कांग्रेसभित्र महामन्त्री गगन थापाले पनि सोमबार पार्टी पुनर्गठनका लागि आफू महामन्त्री पद त्याग्न तयार रहेको धारणा अघि सारेका थिए ।