पाँचजना पूर्वप्रधानसेनापतिसँग सेनाले गर्‍यो समसामयिक विषयमा छलफल

News Summary

Generated by OK AI. Editorially reviewed.

नेपाली सेनाले १० असोज, काठमाडौंमा पाँच जना पूर्व प्रधानसेनापतिसँग समसामयिक विषयमा छलफल गरेको छ।
छलफल नेपाली सेनाको हेडक्वार्टरमा भएको र वर्तमान राजनीतिका घटनाक्रमबारे भएको सेनाको जनसम्पर्क कार्यालयले जनाएको छ।

१० असोज, काठमाडौं। नेपाली सेनाले ५ जना पुर्व प्रधानसेनापतिसँग समसामयिक विषयमा छलफल गरेको छ ।

नेपाली सेनाको हेडक्वार्टरमा सेनाले पाँच जना पूर्वप्रधानसेनापतिहरू प्रज्वलशमशेर राणा, प्यारजङ्ग थापा, गौरवशमशेर राणा, पूर्णचन्द्र थापा र प्रभूराम शर्मासँग असोजको पहिलो हप्ता छलफल गरेको सेनाका प्रवक्ता एवं सहायका रथी राजाराम बस्‍नेतले जानकारी दिए ।

छलफलमा अहिलेको वर्तमान राजनीतिमा विकसित घटनाक्रमबारे कुराकानी भएको सेनाको जनसम्पर्क कार्यालयले जनाएको छ ।

यसअघि तत्कालीन केपी ओली नेतृत्वको सरकारले गरेको सामाजिक सञ्जाल प्रतिबन्ध र भ्रष्टाचारविरुद्ध जेनजी युवाहरुले भदौ २३ र २४ गते गरेको प्रदर्शनमा जनधनको क्षति भएपछि नेपाली सेनाले सुरक्षा कमाण्ड हातमा लिएको थियो ।

साथै प्रधानसेनापति सिग्देलको समन्वयमा राष्ट्रपति रामचन्द्र पौडेलले पूर्वप्रधानन्याधीश सुशीला कार्कीको नेतृत्वमा नयाँ अन्तरिम सरकार गठन गरेका छन् ।

हालको संसद विघटन समेत भएको छ र अब ताजा जनादेशका लागि आगामी फागुन २१ गते मध्यावधि निर्वाचन हुनेछ ।