६ दिनमा १८ सय ४६ विदेशी पर्यटकले गरे पशुपतिनाथ भ्रमण

News Summary

Generated by OK AI. Editorially reviewed.

पछिल्लो ६ दिनमा १ हजार ८४६ जना विदेशी पर्यटकले पशुपतिनाथ मन्दिर परिसरको भ्रमण गरेको पाइएको छ।
१३ असोजमा कुल ५२२ पर्यटकले पशुपतिनाथ मन्दिर भ्रमणका लागि टिकट लिएका थिए।
१२ असोजमा १ लाख ७७ हजार २५० रुपैयाँ भेटि संकलन भएको कोषले जनाएको छ।

१५ असोज, काठमाडौं। पछिल्लो ६ दिनमा १ हजार ८४६ जना विदेशी पर्यटकले पशुपतिनाथ मन्दिर परिसरको भ्रमण गरेको पाइएको छ।

पशुपतिनाथ मन्दिरमा विदेशी पर्यटकले टिकट लिएर भ्रमण गर्नुपर्छ। कोषले पछिल्लो समय दैनिक भेटी संकलन र भ्रमण गर्ने पर्यटकको आंकडा दैनिक सार्वजनिक गर्दै आएको छ।

१३ असोजका दिन कुल ५२२ पर्यटकले पशुपतिनाथ भ्रमण गरेको तथ्यांक छ। सो दिन पश्चिम काउन्टरबाट १७०, तिलगंगा काउन्टरबाट २०९, वत्सलेश्वरी काउन्टरबाट ११० र गुहेश्वरी काउन्टरबाट ३३ जनाले टिकट लिएको देखिएको छ।

१२ असोजका दिन २९७ पर्यटक पशुपतिनाथ भ्रमणमा पुगेका थिए। सो दिन मन्दिरमा १ लाख ७७ हनार २५० रुपैयाँ भेटि उठेको थियो।

११ असोजका दिन ३११ जना पर्यटक सो क्षेत्रको भ्रमणमा पुगेका थिए। १० असोजका दिन ३२७ जनाले भ्रमण गरेको कोषको तथ्यांक छ। ११ असोजका दिन २ लाख ८१ हजार ८५४ रुपैयाँ भेटी उठेको थियो। ९ असोजमा २२६, ८ असोजमा १६३ जना पर्यटक पुगेका थिए।