सप्तकोशीमा खतराको संकेत, पानीको बहाव ५ लाख ३३ हजार क्युसेक पुग्‍यो

News Summary

Generated by OK AI. Editorially reviewed.

सप्तकोशी नदीमा लगातार वर्षाका कारण कोशी ब्यारेजमा पाँच लाख ३३ हजार ५४० क्युसेक पानीको बहाव रहेको प्रमुख जिल्ला अधिकारी धर्मेन्द्रकुमार मिश्रले जानकारी दिनुभयो।
पानीको बहाव उच्च भएपछि कोशी ब्यारेजका ५६ वटै ढोका खोलिएको र रातो बत्ति तथा रातो भण्डास फहराइएको छ।
कोशी ब्यारेज वरिपरी सवारीसाधन सञ्चालनमा रोक लगाइएको छ र प्रमुख जिल्ला अधिकारी मिश्रको नेतृत्वमा नेपाली र भारतीय टोलीले निरीक्षण गरेको छ।

१९ असोज, इनरुवा। पूर्वीपहाडी तथा तराईका जिल्लामा लगातार भएको वर्षाका कारण सप्तकोशी नदीमा पानीको बहाव उच्च भएको छ ।

आज बिहान ११:०० बजे गरिएको मापनअनुसार कोशी ब्यारेज भएर पाँच लाख १० हजार ९६० क्युसेक प्रतिसेकेण्ड पानीको बहाव रहेकामा पछिल्लो मापनअनुसार पाँच लाख ३३ हजार ५४० क्युसेक प्रतिसकेण्ड बहाव रहेको प्रमुख जिल्ला अधिकारी धर्मेन्द्रकुमार मिश्रले जानकारी दिए।

पानीको बहाव उच्च भएपछि कोसी ब्यारेजका ५६ वटै ढोका खोलिएको उनले बताए ।

पानीको बहाव उच्च भएपछि खतराको सङकेत स्वरुप रातो बत्ति बाली रातो झण्डासमेत फहराइएको छ । यसैगरी कोसी ब्यारेज वरिपरी सवारीसाधान सञ्चालनमा समेत रोक लगाइएको छ।

यसैबीच आज प्रमुख जिल्ला अधिकारी मिश्रको नेतृत्वमा सुरक्षाकर्मीसहित नेपाली टोली र भारतको बिहार सरकार जल संसाधन विभागको टोलीले कोसी ब्यारेजको निरीक्षण गरेको छ ।