दशैंपछिको प्रारम्भिक कारोबारमा घट्यो सेयर बजार

News Summary

Generated by OK AI. Editorially reviewed.

दशैंपछि खुलेको पहिलो दिनको सेयर बजार सुरुवाती चरणमा नेप्से परिसूचक २० अंक घटेर २६४३ मा कायम भएको छ।
आधा घण्टासम्मको कारोबारमा विकास बैंक, होटल तथा पर्यटन, हाइड्रोपावर र निर्जीवन बीमा समूहका सूचक १ प्रतिशतभन्दा बढी घटेका छन्।
पूर्वी इलामका बाढीले एक दर्जन बढी हाइड्रोपावर कम्पनीमा क्षति पुर्‍याएको र उत्पादन बन्द भएको छ, जसले हाइड्रोपावर र निर्जीवन बीमा सेक्टरलाई असर गर्ने अनुमान छ।

२१ असोज, काठमाडौं । दशैंपछि खुलेको पहिलो दिनको सेयर बजार सुरुवाती चरणमा घटेको छ ।

नियमित कारोबार सुरु भएको आधा घण्टामा नेप्से परिसूचक २० अंक घटेर २६४३ मा कायम भएको छ । प्रिओपनिङ कारोबारमा पनि बजार १ अंक घटेको थियो । ३० मिनेटसम्म जम्मा ५८ करोड रुपैयाँ बराबरको कारोबार भएको छ ।

आधा घण्टासम्मको कारोबारमा अधिकांश सेक्टरका सूचक घटेका छन् । विकास बैंक, होटल तथा पर्यटन, हाइड्रोपावर र निर्जीवन बीमा समूहका सूचक १ प्रतिशतभन्दा धेरै घटेका छन् ।

कारोबार भएको आधा घण्टासम्म भगवती हाइड्रोपावरको मूल्य ३.२३, बुद्धभूमिको २.६३ प्रतिशत बढेको छ । त्यस्तै भूगोल इनर्जीको मूल्य ६ प्रतिशत घटेको छ ।

यतिबेलासम्म धेरै कारोबार भएका कम्पनीमा युनियन हाइड्रोपावर, सिक्लेस हाइड्रोपावर, नारायणी डेभलपमेन्ट बैंक, एभरेस्ट बैंक र साहस ऊर्जा छन् ।

हालैको बाढीका कारण पूर्वी इलामका एक दर्जन बढी हाइड्रोपावर कम्पनीमा क्षति पुगेको छ र उत्पादन बन्द छ । यसले गर्दा हाइड्रोपावर र निर्जीवन बीमा सेक्टरलाई बढी असर पर्ने अनुमान छ ।