सेयर बजारमा लाग्यो पोजिटिभ सर्किट ब्रेक

News Summary

Generated by OK AI. Editorially reviewed.

सेयर बजारमा कारोबार सुरु भएको ३ मिनेटमै ४ प्रतिशत बढेर पोजेटिभ सर्किट ब्रेक लागेको छ।
सर्किट ब्रेक लागेसँगै २० मिनेटका लागि सेयर कारोबार स्थगित भएको छ।
राष्ट्र बैंकले सेयर कर्जामा २५ करोडको सीमा हटाएर बैंक तथा वित्तीय संस्थालाई सहजीकरण गरेपछि बजारमा वृद्धि आएको हो।

२३ असोज, काठमाडौं । सेयर बजारमा पोजिटिभ सर्किट ब्रेक लागेको छ । कारोबार सुरु भएको ३ मिनेटमै बजार ४ प्रतिशत बढेको हो ।

४ प्रतिशत बढेर सर्किट ब्रेक लागेसँगै २० मिनेटका लागि कारोबार स्थगित भएको छ ।

अघिल्लो दिन राष्ट्र बैंकले सेयर कर्जामा २५ करोडको सीमा हटाउँदै बैंक तथा वित्तीय संस्थालाई सेयर खरिदबिक्रीमा सहजीकरण गरेपछि बजारमा उच्च वृद्धि देखिएको हो।

११ : ०३ बजेसम्म नेप्से परिसूचक १०२ अंक बढेर २६६२ अंकमा कायम भएको छ । यतिबेलासम्म २७ करोड ५६ लाख रुपैयाँको कारोबार भएको छ ।

२१३ कम्पनीको मूल्य बढ्दा ३ को घटेको छ भने ३ को स्थिर छ । लगानी तथा व्यापार ५ प्रतिशत बढेका छन् । बैंकिङ र विकास बैंक ४ प्रतिशत बढेका छन् । यीबाहेक सबै समूहका सूचक सकारात्मक देखिएका छन् ।

शिवम् सिमेन्ट, हिमालयन रिइन्स्योरेन्स, नारायणी डेभलपमेन्ट बैंक, हिमालयन डिस्टिलरी र नेपाल पुनर्बीमा धेरै कारोबार भएका कम्पनीमा क्रमश देखिएका छन् ।
हाथवे इन्भेस्टमेन्ट, शिवश्री हाइड्रोपावर, राप्ती हाइड्रोको मूल्य ९ प्रतिशतभन्दा धेरै बढेको छ ।

यो पनि पढ्नुहोस