३१ असोज, काठमाडौं । राष्ट्रिय स्वतन्त्र पार्टी (रास्वपा) को आगामी विस्तारित बैठकको एजेन्डाबारे छलफल भएको छ ।
शुक्रबार बसेको सचिवालय बैठकमा आगामी विस्तारित बैठकको सहभागिता, विस्तारित बैठकको एजेन्डा र विस्तारित बैठकमा प्राप्त सुझाव एवं रायहरूको सम्बोधन मोडालिटीबारे छलफल भएको महामन्त्री कविन्द्र बुर्लाकोटीले जानकारी दिए ।
परिवर्तित अवस्थामा बृहत्तर एलायन्स निर्माण सम्बन्धमा भएका प्रयासहरूबारे छलफल गर्दै उच्चस्तरीय संवाद समिति विस्तार गर्ने निर्णय भएको उनले बताए ।
संवाद समितिको उपसंयोजकमा केन्द्रीय सदस्य शिशिर खनाल र सदस्यमा केन्द्रीय सदस्य डा. तोसिमा कार्कीलाई मनोनयन गर्ने निर्णय भएको छ ।
संवाद समितिमा आवश्यकता अनुसार पार्टी सचिवालय सदस्यहरूलाई संवाद दूतका रूपमा संलग्न गराइने निर्णय भएको छ ।
प्रतिनिधिसभा निर्वाचनलाई लक्षित गरी गठन गरिएको बाचापत्र तयारी समिति विस्तार गर्ने निर्णय समेत बैठकले गरेको छ ।
समितिमा सचिवालय सदस्य सन्तोष परियार, केन्द्रीय सदस्य सोबिता गौतम, केन्द्रीय सदस्य गणेश कार्की र केन्द्रीय सदस्य डा. नन्दन यादवलाई मनोनयन गर्ने निर्णय भएको उनले बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Beautiful House on sale at Sanagau")
.jpg "Beautiful House on sale at Imadol")
प्रतिक्रिया 4