प्रधानमन्त्रीले बोलाएको सर्वदलीय बैठकमा सहभागी हुने दलको संख्या १० पुग्यो

। प्रधानमन्त्री सुशीला कार्की

News Summary

Generated by OK AI. Editorially reviewed.

प्रधानमन्त्री सुशीला कार्कीले बोलाएको सर्वदलीय बैठकमा १० राजनीतिक दलका प्रतिनिधिहरू सहभागी हुँदैछन्।
बैठकमा नेपाली कांग्रेस, नेकपा एमाले, नेकपा माओवादी केन्द्र, रास्वपाका साथै राप्रपा, जसपा नेपाल र जनमत पार्टीका नेता सहभागी छन्।
लोकतान्त्रिक समाजवादी पार्टी, नागरिक उन्मुक्ति पार्टी र नेपाल मजदुर किसान पार्टीका प्रतिनिधिहरू पनि बैठकमा सहभागी हुने भएका छन्।

४ कात्तिक, काठमाडौं। प्रधानमन्त्री सुशीला कार्कीले बोलाएको सर्वदलीय बैठकमा सहभागी हुने दलको संख्या १० पुगेको छ ।

यसअघि सात राजनीतिक दलका प्रतिनिधिहरूसँग छलफल गर्ने भनिएकोमा थप तीन दलका प्रतिनििध समेत सहभागी हुने भएका हुन् ।

प्रधानमन्त्रीको सरकारी निवास वालुवाटारमा हुने छलफलमा नेपाली कांग्रेस, नेकपा एमाले, नेकपा माओवादी केन्द्र, रास्वपाका प्रतिनिधिहरू सहभागी हुँदैछन् । राप्रपा, जसपा नेपाल र जनमत पार्टीका नेता जाँदैछन् ।

यसका अलावा लोकतान्त्रिक समाजवादी पार्टीबाट सर्वेन्द्रनाथ शुक्ल, नागरिक उन्मुक्ति पार्टीबाट रेशम चौधरी, नेपाल मजदुर किसान पार्टीबाट प्रेम सुवाल सहभागी हुने भएका हुन् । जनमतका नेता चन्दन सिंह समेत सहभागी हुने तय भएको छ ।

कांग्रेसबाट गगन थापा र प्रकाशशरण महत, एमालेबाट शंकर पोखरेल र प्रदीपकुमार ज्ञवाली, माओवादी केन्द्रबाट वर्षमान पुन र पम्फा भुसाल सहभागी हुँदैछन् ।

रास्वपाबाट स्वर्णिम वाग्ले र सोविता गौतम, राप्रपाबाट राजेन्द्र गुरुङ र मोहन श्रेष्ठ, जसपा नेपालबाट उपेन्द्र यादव र प्रकाश अधिकारी सहभागी हुँदैछन् ।