थापागाउँमा कांग्रेस विशेष महाधिवेशन पक्षधरको भेला (तस्वीरहरू)

News Summary

Generated by OK AI. Editorially reviewed.

नेपाली कांग्रेसको विशेष महाधिवेशन पक्षधरको भेला काठमाडौंको थापागाउँस्थित एक ब्यांक्वेटमा सुरु भएको छ।
पार्टीको केन्द्रीय कार्यसमिति बैठकले १५ औं महाधिवेशनबारे ठोस निर्णय गर्न नसकेपछि पक्षधरहरू छलफलमा जुटेका छन्।
विशेष महाधिवेशन पक्षधरहरूले २९ असोजमा झण्डै ५४ प्रतिशत महाधिवेशन प्रतिनिधिको हस्ताक्षर पार्टीमा बुझाउँदै विशेष महाधिवेशनको माग गरेका थिए।

१८ कात्तिक, काठमाडौं । नेपाली कांग्रेसको विशेष महाधिवेशन पक्षधरको भेला सुरु भएको छ । काठमाडौंको थापागाउँस्थित एक ब्यांक्वेटमा विशेष महाधिवेशन पक्षधरले भेला आयोजना गरेका हुन् ।

पार्टीको जारी केन्द्रीय कार्यसमिति बैठकले १५ औं महाधिवेशनबारे कुनै पनि ठोस निर्णय गर्न नसकेपछि विशेष महाधिवेशन पक्षधर छलफलमा जुटेका छन् ।

भेला केहीबेरअघि सुरु भएको नेता गुरूराज घिमिरेले जानकारी दिए । यसघि गत आइतबारका लागि भेला डाकिएको थियो ।

तर, पार्टीले गत शुक्रबार केन्द्रीय कार्यसमिति बैठक आइतबारसम्मका लागि स्थगित गरेपछि यो समूहले आफ्नो भेला पनि पछि धकेलेको थियो ।

विशेष महाधिवेशन पक्षधरहरूले २९ असोजमा झण्डै ५४ प्रतिशत महाधिवेशन प्रतिनिधिको हस्ताक्षर पार्टीमा बुझाउँदै विशेष महाधिवेशनको माग गरेका थिए ।