वडाध्यक्षलाई मालिस गराउने गाउँपालिका अध्यक्षको राजीनामा विवाद : किर्ते भएको आरोप

१९ जनकपुरधाम, काठमाडौं । सप्तरीको अग्निसाइर कृष्णासवरन गाउँपालिकाका अध्यक्ष दिनानाथ चौधरीको राजीनामाबारे विवाद सुरु भएको छ । गाउँपालिका उपाध्यक्ष कल्पना चौधरीले आफूले अध्यक्ष चौधरीको राजीनामा बुझिसकेको दाबी गरेकी छिन् । तर, अध्यक्ष चौधरी भने उक्त राजीनामापत्र किर्ते भएकाे जिकिर गर्छन् ।

उपाध्यक्ष चौधरीले किर्ते, जालसाजीपूर्ण र राजनीतिक षड्यन्त्र गरेर आफूविरुद्ध राजीनामाको हल्ला फैलाएको दाबी अध्यक्ष चौधरीले गरेका छन् । तर गाउँपालिका उपाध्यक्ष चौधरी भन्छिन्, ‘उहाँले राजीनामा दिएको छैन भनेर हुन्छ। उहाँले राजीनामा दिनु भएको हो ।’

गाउँपालिका अध्यक्ष चौधरीले वडाध्यक्षबाट खुट्टा मालिस गराएको भिडियो सार्वजनिक भएको थियो । त्यसपछि उनी विवादमा तानिएका थिए । उपाध्यक्षको कार्यकक्षमा रहेको सोफामा सुतेर वडाध्यक्षबाट खुट्टामा मालिस गराएको भिडियो सामाजिक सञ्जालमा भाइरल भएपछि चौधरी विवादमा तानिएका थिए ।

यो पनि पढ्नुहोस

वडाध्यक्षबाट मालिस गराउने गाउँपालिका अध्यक्ष दिननाथ चौधरीले दिए पदबाट राजीनामा

आफूले कुनै राजीनामा पत्र समेत पेस नगरेको अध्यक्ष चौधरी बताउँछन् । उनले दाबी गरे, ‘यदि मैले स्वेच्छाले राजीनामा दिएको भए, त्यस अवधिमा पटक–पटक कार्यपालिका बैठक कसरी आह्वान भयो ? विभिन्न कागजी कारोबारमा मेरो सहभागिता किन रह्यो ? अनि मेरो सनाखत बिना कसरी राजीनामा स्वीकृत भयो ?’

उनले यसबारे जवाफ दिनका लागि पनि आग्रह गरेका छन् । विपक्षी दलहरूले राजनीतिक निष्ठा र संस्कारबाट विचलित हुँदै आफ्नो विरुद्ध षड्यन्त्र र जालसाजीको बाटो अपनाएको उनले आरोप लगाए ।

गाउँपालिका अध्यक्षको राजीनामा र निर्वाचन आयोगलाई गराइएको जानकारी:

गाउँपालिका अध्यक्ष चौधरीले जारी गरेको विज्ञप्ति :