२०८२ कात्तिक १९ गते २१:१४ 
News Summary
Generated by OK AI. Editorially reviewed.- काठमाडौँ मेरियट होटलले नेपाल प्रिमियर लिगको दोस्रो संस्करणका लागि सुदूरपश्चिम रोयल्सको ‘लक्जरी स्टे’ पार्टनर बनेको छ।
- मेरियटका सेल्स एण्ड मार्केटिङ डाइरेक्टर विपुल कम्बोज र सुदूरपश्चिम रोयल्सका सीईओ प्रकाश खड्काले बुधबार सम्झौता पत्रमा हस्ताक्षर गरेका छन्।
- नेपाल प्रिमियर लिगको दोस्रो संस्करण मंसिर १ गतेदेखि २७ गतेसम्म सञ्चालन हुनेछ र सुदूरपश्चिम रोयल्सले चार विदेशी खेलाडी भित्र्याइसकेको छ।
१९ कात्तिक, काठमाडौं । नेपाल प्रिमियर लिग (एनपीएल) को दोस्रो संस्करणका लागि काठमाडौँ मेरियट होटल सुदूरपश्चिम रोयल्सको ‘लक्जरी स्टे’ पार्टनर बनेको छ।
बुधबार एक सम्झौता पत्रमा हस्ताक्षर गर्दै मेरियट र सुदूरपश्चिम रोयल्सबीच यो सहकार्य सुरु भएको हो। होटल मेरियटका सेल्स एण्ड मार्केटिङ डाइरेक्टर विपुल कम्बोज र सुदूरपश्चिम रोयल्सका प्रमुख कार्यकारी अधिकृत (सीईओ) प्रकाश खड्काले उक्त सम्झौता पत्रमा हस्ताक्षर गरे।
सुदूरपश्चिम रोयल्सका सीईओ खड्काले देशकै प्रतिष्ठित होटलसँग सहकार्य गर्न पाउँदा खुसी व्यक्त गरे। उनले भने, ‘मेरियट जस्तो प्रतिष्ठित होटलसँग सहकार्य गर्न पाउँदा निकै खुशि छु। यो सहकार्यले दुबै पक्षलाई सकारात्मक ऊर्जा मिल्नेछ।’
त्यस्तै, मेरियटका सेल्स एण्ड मार्केटिङ डाइरेक्टर विपुल कम्बोजले आफ्नो मनपर्ने टोली सुदूरपश्चिमलाई स्वागत गर्न तयार रहेको बताए। ‘हाम्रो मनपर्ने टोली सुदूरपश्चिमलाई स्वागत गर्न हामी तयार छौं। यो सम्झौताले हामीलाई निकै खुशि बनाएको छ’ कम्बोजले भने।
यो सिजन उपाधि जित्ने लक्ष्य लिएको सुदूरपश्चिम रोयल्सले आफ्नो प्रशिक्षण पनि सुरु गरिसकेको छ। टोलीले हालसम्म चार विदेशी खेलाडी भित्र्याएको छ।
नेपाल प्रिमियर लिगको दोस्रो संस्करण मंसिर १ गतेदेखि २७ गतेसम्म सञ्चालन हुनेछ।
सुदूरपश्चिम रोयल्सको टोलीः दीपेन्द्र सिंह ऐरी, आरिफ शेख, बिनोद भण्डारी, अविनाश बोहरा, दिपक बोहरा, मिलन बोहरा, हेमन्त धामी, इशान पाण्डे, टेक रावत, नरेन साउद, दिपेन्द्र थापा, स्कट कुग्गेलिजन, क्रिस लिन, हर्मीत सिंह र जोस ब्राउन।
मुख्य प्रशिक्षकः जगत टमटा
प्रतिक्रिया 4