निफ्राको नाफा ४० प्रतिशत घट्यो

News Summary

Generated by OK AI. Editorially reviewed.

नेपाल इन्फ्रास्ट्रक्चर बैंकको चालु आर्थिक वर्षको पहिलो त्रैमासिक खुद नाफा ४० प्रतिशत घटेर २० करोड ८५ लाख रुपैयाँ पुगेको छ।
खुद ब्याज आम्दानीमा ३३.७ प्रतिशतको गिरावट आएपछि नाफामा असर परेको छ र यो ५६ करोड २६ लाखबाट ३७ करोड ३० लाख रुपैयाँमा झरेको छ।
बैंकको निष्क्रिय कर्जा शून्यमै झरेको छ र वार्षिक प्रतिसेयर आम्दानी ६.५० रुपैयाँबाट ३.८६ प्रतिशतमा घटेको छ।

२१ कात्तिक, काठमाडौं । नेपाल इन्फ्रास्ट्रक्चर बैंक (निफ्रा)को नाफा ४० प्रतिशत घटेको छ ।

बैंकले सार्वजनिक गरेको चालु आर्थिक वर्षको पहिलो त्रैमासिक वित्तीय विवरणअनुसार खुद नाफा २० करोड ८५ लाख रुपैयाँ छ । गत वर्षको यसै अवधिमा खुद नाफा ३५ करोड ९ लाख रुपैयाँ थियो ।

खुद ब्याज आम्दानीमा ३३.७ प्रतिशतको गिरावट देखिएसँगै नाफामा असर देखिएको छ । खुद ब्याज आम्दानी पहिले ५६ करोड २६ लाख रुपैयाँ रहेकोमा अहिले ३७ करोड ३० लाख रुपैयाँमा झरेको छ । बैंकको निष्क्रिय कर्जा शून्यमै झरेको छ । पहिले यस्तो कर्जा ०.०७ प्रतिशत थियो ।

पूर्वाधार क्षेत्रमा ऋण लगानी गर्दै आएको निफ्राको वार्षिक प्रतिसेयर आम्दानी ३.८६ प्रतिशत छ । नाफा घट्दा प्रतिसेयर आम्दानीमा असर परेको छ ।

पहिले प्रतिसेयर आम्दानी ६.५० रुपैयाँ थियो । प्रतिसेयर नेटवर्थ ११०.९७ रुपैयाँ रहेको छ । कम्पनीको वितरणयोग्य नाफा १७ करोड ५४ लाख रुपैयाँ छ ।