जेनजी आन्दोलनका घाइतेलाई गोरखा प्रशासनले परिचयपत्र दिने

News Summary

Generated by OK AI. Editorially reviewed.

जिल्ला प्रशासन कार्यालय गोरखाले गत भदौ २३ र २४ गतेको जेनजी आन्दोलनमा घाइते आठ जनालाई परिचयपत्र वितरण गर्ने भएको छ।
घाइतेलाई स्वास्थ्य तथा जनसङख्या मन्त्रालयबाट प्राप्त भैपरी खर्चबापत जनही २० हजार रुपैयाँ वितरण गरिने सहायक प्रमुख जिल्ला अधिकारी चित्राङ्गत बरालले बताए।
सरकारले आन्दोलनका क्रममा घाइतेहरुलाई नीति बनाएर सेवासुविधा दिनसक्ने भन्दै परिचयपत्र वितरण सुरु गरिएको सहायक प्रजिअ बरालले खुलाउनुभयो।

२३ कात्तिक, गोरखा । जिल्ला प्रशासन कार्यालय गोरखाले जेनजी आन्दोलनका क्रममा घाइते भएकाहरुलाई परिचयपत्र वितरण गर्ने भएको छ ।

कार्यालयले आज सूचना जारी गर्दै गत भदौ २३ र २४ गते भएको जेनजी आन्दोलनका क्रममा घाइते भएका आठ जना जिल्लावासीलाई परिचयपत्र वितरण गर्ने जनाएको हो ।

घाइतेलाई स्वास्थ्य तथा जनसङख्या मन्त्रालयबाट प्राप्त भैपरी खर्चबापतको जनही २० हजारसमेत वितरण गरिने सहायक प्रमुख जिल्ला अधिकारी चित्राङ्गत बरालले बताए ।

जेनजी आन्दोलनका क्रममा गोरखाका सन्तोष गुरुङ, सुजित थापा, रोशन रेग्मी, अर्जुन भट्ट, सन्जिता गुरुङ, धु्रव परियार, कुमार अधिकारी र दिवसबाबु श्रेष्ठ घाइते भएका थिए

‘सरकारले आन्दोलनका क्रममा घाइते भएकाहरूलाई पछि नीति बनाएर सेवासुविधा दिनसक्छ भनेर अहिले घाइते परिचयपत्र वितरण गर्न लागेका हौँ,’ सहायक प्रजिअ बरालले भने ।