पर्यटन समिति अगुवाइमा पर्यटकीय स्थल सरसफाइ

News Summary

Generated by OK AI. Editorially reviewed.

पर्सा ठोरीमा पर्यटन प्रवर्द्धन समितिको अगुवाइमा सेतो पहाड क्षेत्रमा सरसफाइ सुरु गरिएको छ।
सरसफाइमा पर्यटन व्यवसायी, स्थानीय, इलाका प्रहरी, सशस्त्र प्रहरी, नेपाली सेना र निर्मल ठोरी उपभोक्ता समिति सहभागी छन्।
पूर्वमुख्यमन्त्री लालबाबु राउतले ११ चैत २०७८ मा ठोरीलाई पर्यटकीय क्षेत्र घोषणा गरी १० करोड रुपैयाँ विनियोजन गर्ने निर्णय गरेका थिए।

१ मंसिर, काठमाडौं । पर्सा ठोरीमा रहेका मुख्य पर्यटकीय स्थल सरसफाइ थालिएको छ । पर्यटन प्रवर्द्धन समिति अगुवाइमा सरसफाइ सुरु गरिएको हो ।

मधेश प्रदेशकै मुख्य पर्यटकीय गन्तव्यका रूपमा विकास हुँदै गइरहेको ठोरीमा विशेषगरी भारतीय पर्यटक आउने गर्छन् ।

समिति अगुवाइमा सोमबार सेतो पहाड (ह्वाइट हिल) क्षेत्र सरसफाइ गरिएको समिति उपाध्यक्ष सुरज लामाले जानकारी दिए ।

पर्यटन व्यवसायी, स्थानीय, इलाका प्रहरी कार्यालय ठोरी, सशस्त्र प्रहरी कार्यलय ठोरी, नेपाली सेना, निर्मल ठोरी उपभोक्ता समिति लगायत सहभागितामा सेतो पहाड अगाडिको क्षेत्र सरसफाइ गरिएको उनले बताए ।

विशेषगरी सेता पहाडको काखमा रहेको राईधारा क्षेत्र भारतीय पर्यटक घुम्न आउने मुख्य स्थान हो । यहाँ दैनिक भारतीयका साथै आन्तरिक पर्यटक पनि वनभोज खान आउने गर्दछन् ।

समिति अगुवाइमा ठोरीका अन्य पर्यटकीय स्थल पनि सरसफाइ गरिने उनले बताए ।

सरसफाइ अभियानका साथै घुम्न आउने पर्यटकलाई जथाभावी फोहोर नफाल्नका लागि सचेतना जगाइने उनले बताए ।

मधेश प्रदेशका पूर्वमुख्यमन्त्री लालबाबु राउतले ११ चैत २०७८ मा ठोरीलाई पर्यटकीय क्षेत्र घोषणा गरेका थिए ।

यो पनि पढ्नुहोस

मधेश प्रदेशले घोषणा गर्‍यो ठोरीलाई पर्यटकीय क्षेत्र

ठोरीमै मन्त्रिपरिषद् बैठक राखेर उनले पर्यटकीय क्षेत्र विकासका लागि आवश्यक पूर्वाधार बनाउन १० करोड रुपैयाँ विनियोजन गरिने निर्णय गराएका थिए । तर, उक्त घोषणा कागजमै सीमित रहेको समिति अध्यक्ष लामाले बताए ।