News Summary
Generated by OK AI. Editorially reviewed.- राष्ट्रिय कुखुरा बिक्री व्यवसायी संघले दुई साताभित्र दोस्रो पटक कुखुरा मासुको मूल्य किलोमा १० रुपैयाँ बढाएको छ।
- जिउँदो कुखुरा प्रतिकिलो मूल्य २ सय ४० रुपैयाँ र तयारी कुखुरा मासुको मूल्य ३ सय ३० रुपैयाँ कायम भएको छ।
- संघ अध्यक्ष जंगबहादुर बीसीले जाडो बढ्दै गएपछि कुखुरा उत्पादन घट्ने र त्यसले मूल्य बढ्ने बताए।
१५ मंसिर, काठमाडौं । दुई साताभित्र दोस्रो पटक कुखुरा मासुको मूल्य बढेको छ ।
राष्ट्रिय कुखुरा बिक्री व्यवसायी संघका अनुसार आज सोमबारदेखि लागु हुने गरी मूल्य बढाइएको हो ।
संघ अध्यक्ष जंगबहादुर बीसीले कुखुरा मासुको मूल्य किलोमा १० रुपैयाँ बढेको जानकारी दिए ।
मूल्य बढेसँगै जिउँदो कुखुरा प्रतिकिलो २ सय ४० रुपैयाँ कायम भएको छ । यसअघि जिउँदो कुखुरा किलोको २ सय ३० रुपैयाँ थियो ।
यस्तै तयारी कुखुरा मासुको मूल्य पनि बढेको छ । तयारी मासुको मूल्य ३ सय ३० रुपैयाँ पुगेको अध्यक्ष बीसीले बताए । यसअघि तयारी मासु प्रतिकिलो मूल्य ३ सय २० रुपैयाँ थियो ।
अध्यक्ष बीसीका अनुसार जाडो बढ्दै गएपछि कुखुरा उत्पादन घट्ने भएकाले मूल्यवृद्धि भएको हो । ‘चिसोमा उत्पादन कम हुन्छ,’ उनले भने, ‘उत्पादन कम हुँदा बजारमा कुखुरा अभाव हुने र त्यसले मूल्य बढ्ने हुन्छ ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Luxurious House on sale at Ochu Height, Imadol")
.jpg "Apartment for rent in Grande Tower")
.jpg "House for sale at Tikathali")
प्रतिक्रिया 4