भेनेजुएलाको डुङ्गा आक्रमणबारे ह्वाइट हाउसले के भन्यो ?

News Summary

Generated by OK AI. Editorially reviewed.

अमेरिकी प्रशासनले भेनेजुएलाको लागूऔषध डुङ्गामाथि दोस्रो सैन्य आक्रमण गर्ने आदेश दिएको पुष्टि गरेको छ।
ह्वाइट हाउसकी प्रेस सचिव क्यारोलिन लेभिटले एडमिरल फ्र्याङ्क ब्राडलीले आक्रमण आफ्नो अधिकार र कानूनको दायराभित्र गरेको बताउनुभयो।
रिपब्लिकन र डेमोक्रेट दुवै दलका सांसदहरूले घटनामा चिन्ता व्यक्त गर्दै कङ्ग्रेसमा समीक्षा गरिने बताएका छन्।

१६ मंसिर, काठमाडौं । अमेरिकी प्रशासनले एक शीर्ष नौसैनिक कमान्डरले भेनेजुएलाको लागूऔषध डुङ्गामाथि दोस्रो सैन्य आक्रमण गर्ने आदेश दिएको पुष्टि गरेको छ ।

यो डुङ्गामा लागूऔषधहरू रहेको अमेरिकी आरोप छ ।

सोमबार ह्वाइट हाउसकी प्रेस सचिव क्यारोलिन लेभिटले एडमिरल फ्र्याङ्क ब्राडलीले यो अतिरिक्त आक्रमण आफ्नो अधिकार र कानूनको दायराभित्र रहेर गरेका बताइन् ।

उनले यसका लागि रक्षा मन्त्री पिट हेगसेथले आक्रमणका लागि अनुमति दिए पनि उनले ‘सबैलाई मारिदिनु‘ भन्ने कुनै आदेश नदिएका जिकिर गरिन् ।

अमेरिकी अखबार द वाशिंगटन पोस्टले रक्षामन्त्री हेगसेथले सबैलाई सफाया गर्न अनुमति दिएको जिकिर गर्दै समाचार प्रकाशन गरेको थियो ।

डुङ्गामा अमेरिकाले गरेको पहिलो विस्फोटमा दुई जना मानिस बचेका थिए र उनीहरू जलिरहेको डुङ्गामा थिए, त्यसपछि दोस्रो आक्रमण गरिएको थियो।

यस घटनालाई लिएर रिपब्लिकन र डेमोक्रेट– दुवै दलका सांसदहरूले चिन्ता व्यक्त गरेका छन् र उनीहरूले कङ्ग्रेस स्तरमा यसको समीक्षा गरिने बताएका छन् ।