अन्तर्राष्ट्रिय नेपाली गीतकार संघको दोस्रो अधिवेशन पेन्सिलभेनियामा हुने

News Summary

Generated by OK AI. Editorially reviewed.

अन्तर्राष्ट्रिय नेपाली गीतकार संघ अमेरिकाको दोस्रो बार्षिक अधिवेशन मार्च २९, २०२६ मा पेन्सिलभेनिया राज्यको ल्यान्कास्टरमा हुने भएको छ।
अधिवेशनमा संघको वार्षिक र आर्थिक गतिविधिमाथि छलफल गरिने र भावी कार्ययोजना प्रस्तुत गरिने अध्यक्ष हरि उप्रेतीले बताए।
संघले गीतकारलाई १ हजार अमेरिकी डलर नगद पुरस्कारसहित 'ज्ञानेन्द्र गदाल गीत सम्मान' प्रदान गर्दै आएको छ र यस वर्ष ६ उत्कृष्ट स्रष्टालाई पनि सम्मान गरिने भएको छ।

काठमाडौँ । अन्तर्राष्ट्रिय नेपाली गीतकार संघ अमेरिकाको दोस्रो बार्षिक अधिवेशन मार्च २९, २०२६ मा पेन्सिलभेनिया राज्यको ल्यान्कास्टरमा हुने भएको छ ।

अध्यक्ष हरि उप्रेतीका अनुसार अधिवेशन समारोहको संयोजन तथा व्यवस्थापन स्थानीय नेपाली साहित्यिक संस्था ‘साहित्य कला संगम’ ले गर्ने भएको छ ।

अधिवेशनमा संघको वार्षिक र आर्थिक गतिविधिमाथि छलफल गरिनुका साथै भावी कार्यायोजना प्रस्तुत गरिने भएको छ ।

स्थानीय कार्यक्रम संयोजक ‘साहित्य कला संगम’ द्वारा तयार पारिएको विभिन्न साहित्यिक एवं सांस्कृतिक कार्यक्रमसहित संस्थाको बारेमा अन्तरक्रिया गरिने कार्यक्रम पनि रहने भएको छ ।

संघले पहिलो अधिवेशनदेखि नै गीत रचनामा उत्कृष्ठ योगदान पुर्‍याउने एकजना गीतकारलाई १ हजार अमेरिकी डलर नगद पुरस्कार सहित ‘ज्ञानेन्द्र गदाल गीत सम्मान’ द्वारा सम्मानित गर्दै आएको छ ।

यस वर्षदेखि उक्त सम्मान लगायत नेपाल र नेपाली डायस्पोराका गीत, संगीत र गायन विधाका ६ जना उत्कृष्ट स्रष्टालाई समेत पुरस्कार तथा सम्मान प्रदान गरिने भएको छ । गतवर्ष प्रदान गरिएको पहिलो सम्मान विशिष्ट गीतकार नीर शाहलाई प्रदान गरिएको थियो ।

प्रवासमा रहेर नेपाली गीत लेखनमा सक्रिय गीतकारको हकहितको लागि संस्था सक्रिय छ ।