एक सातामा सागको मूल्य ३५ प्रतिशत घट्यो

News Summary

Generated by OK AI. Editorially reviewed.

कालीमाटी तरकारी बजार विकास समितिको तथ्यांक अनुसार सागको मूल्यमा एक साता अवधिमा ३५ प्रतिशत गिरावट आएको छ।
पालुंगो सागको मूल्य १९ मंसिरमा प्रतिकिलो १४० रुपैयाँबाट २६ मंसिरमा ९० रुपैयाँमा झरेको छ।
तोरी सागको मूल्य ५५ रुपैयाँबाट ४५ रुपैयाँ र रायो सागको मूल्य ६० रुपैयाँबाट ४० रुपैयाँमा घटेको छ।

२६ मंसिर, काठमाडौं । बजारमा सागको मूल्य घटेको छ । कालीमाटी तरकारी बजार विकास समितिको तथ्यांकले एक साता अवधिमा सागको मूल्यमा ३५ प्रतिशत गिरावट आएको देखाएको हो ।

अहिले बजारमा रायो साग, पालुंगो साग, चम्सुर साग, मेथी साग, तोरीको साग लगायत किन्न पाइन्छ । एक साता अवधिमा यी सबै सागको मूल्य घटेको छ ।

समितिको तथ्यांक अनुसार १९ मंसिरमा प्रतिकिलो थोकमा १ सय ४० रुपैयाँमा किनबेच भएको पालुंगो साग आज २६ मंसिरमा ३५.७१ प्रतिशतले घटेर ९० रुपैयाँमा झरेको छ।

यस्तै तोरी साग एक साताअघि प्रतिकिलो ५५ रुपैयाँ थियो । तोरी सागको मूल्य पनि १८.१८ प्रतिशतले घटेर आज शुक्रबार प्रतिकिलो ४५ रुपैयाँ कायम छ ।

मेथीको साग पनि एक साताअघि प्रतिकिलो १ सय ५० रुपैयाँमा किनबेच भएकामा शुक्रबार प्रतिकिलो १ सय ४५ रुपैयाँ कायम छ ।

रायो सागको मूल्यमा ३३.३३ प्रतिशतको गिरावट आएको छ । १९ मंसिरमा प्रतिकिलो ६० रुपैयाँमा किनबेच भएको रायो साग २६ मंसिरमा किलोको ४० रुपैया कायम छ ।

चम्सुरको साग भने आज शुक्रबार ९० रुपैयाँमा किनबेच भइरहेको छ । एक साताअघि चम्सुर साग प्रतिकिलो थोकमा औसत १ सय ४० रुपैयाँमा किनबेच भएको थियो । एक सातामा चम्सुरको सागमा ३५.७१ प्रतिशत गिरावट आएको तथ्यांकले देखाउँछ ।