मानवअधिकार चलचित्र महोत्सव : ‘रिहाना’ लाई नेपाली पानारोमा अवार्ड

News Summary

Generated by OK AI. Editorially reviewed.

सुरज पौडेल निर्देशित फिल्म 'रिहाना' ले १३ औं नेपाल मानवअधिकार चलचित्र महोत्सवमा नेपाली पानारोमा अवार्ड जितेको छ।
महोत्सवमा २६ देशका ५० भन्दा बढी फिल्म देखाइएको थियो र 'बालअधिकार' मुख्य थिम थियो।
अनुष्का अर्यालले उत्कृष्ट नेपाली महिला निर्देशक र नानी सारा वाकरले जुरी मेन्शन अवार्ड जितेकी छन्।

काठमाडौं । सुरज पौडेल निर्देशित फिल्म ‘रिहाना’ ले १३ औं संस्करणको नेपाल मानवअधिकार चलचित्र महोत्सवमा नेपाली पानारोमा अवार्ड जितेको छ ।

ग्रामिण परिवेशमा सुटिङ गरिएको यस फिल्ममा १३ वर्षीया बालिकाको कथा देखाइएको छ । यस वर्ष ‘बालअधिकार’ लाई मुख्य थिम बनाएर महोत्सव आयोजना गरिएको थियो ।

महोत्सवअन्तर्गत उत्कृष्ट डकुमेन्ट्री सर्ट ‘एल मिना’, उत्कृष्ट फिक्सन सर्ट ‘डन्ट बी लेट माइरा’ र उत्कृष्ट फिचर ‘लाप्टिन’ ले जितेका छन् । त्यस्तै, अनुष्का अर्याल ले उत्कृष्ट नेपाली महिला निर्देशकको अवार्ड जितिन् ।

नानी सारा वाकरले जुरी मेन्शन अवार्ड जितेकी छिन् । २५ मंसिरदेखि काठमाडौंमा सुरु भएको यस महोत्सवमा २६ देशका ५० भन्दा धेरै फिल्म देखाइएको आयोजक मानवअधिकार चलचित्र केन्द्रका अध्यक्ष पाण्डव खत्रीले जानकारी दिए ।

चलचित्र विकास बोर्ड र पर्यटन बोर्डका हलमा चलचित्र देखाइएको थियो । महोत्सवमा राष्ट्रिय तथा अन्तर्राष्ट्रिय फिल्म निर्देशक, निर्माता, कलाकार तथा मानवअधिकारकर्मी सहभागी थिए ।

कान्स, बर्लिनाले, बुसानलगायत विश्वचर्चित महोत्सवमा प्रदर्शन गरिएका फिल्म महोत्सवमा पनि देखाइएको थियो । बजिका भाषाको पहिलो फिचर फिल्म ‘अजुर’, कान्समा पाम दे ओर (लघु चलचित्र) विजेता ‘आइएम ग्ल्याड यू आर डेड नाउ’ लगायत फिल्म प्रदर्शन गरिएको थियो ।