तेरिया मगरको डेब्यू फिल्म ‘मीतज्यू’ को छायांकन माघदेखि, कार्यशाला सुरु

Listen News

0:00

0:30

🔊

News Summary

Generated by OK AI. Editorially reviewed.

निर्देशक अनिल बुढामगरको दोस्रो कथानक फिल्म 'मीतज्यू' को निर्माण सुरु भएको छ र शनिबारदेखि अभिनय कार्यशाला सुरु भएको छ।
भारतीय टिभी रियालिटी शो विजेता डान्सर तेरिया मगरले नेपाली फिल्म 'मीतज्यू' बाट डेब्यू गर्न लागेकी छिन्।
फिल्मको छायांकन माघ पहिलो सातादेखि रोल्पाका विभिन्न स्थानमा थालिनेछ र प्रदर्शन १५ जेठलाई तोकिएको छ।

काठमाडौं । ‘घरज्वाइँ’ फेम्ड निर्देशक अनिल बुढामगरको दोस्रो कथानक फिल्म ‘मीतज्यू’ को निर्माण सुरु भएको छ । शनिबारदेखि फिल्मको अभिनय कार्यशाला सुरु भएको छ ।

कार्यशालामा डान्सर तेरिया मगर, पुष्कर गुरुङ, राज थापा, सुवर्ण थापा, अनु थापा, स्मिता लामिछाने सहभागी रहेको जनाइएको छ ।

भारतीय टिभी रियालिटी शो ‘डान्स इण्डिया डान्स लिल मास्टर्स’ को सिजन ३ र ‘झलक दिखलाजा’ सिजन ९ की विजेता डान्सर मगरले नेपाली फिल्मको यो प्रोजेक्टबाट डेब्यू गर्न लागेकी हुन् ।

अभिनय कार्यशाला केही दिन चल्ने जनाइएको छ । निर्माता जनक घर्तीमगरले कलाकारलाई वर्कसपमार्फत आफ्नो भूमिकबारे जानकारी गराउन खोजिएको बताए ।

छायांकन माघ पहिलो सातादेखि थाल्ने तयारी छ । यो फिल्ममा दयाहाङ राई, सौगात मल्ल, शिशिर वाङ्देल, अरुण पुनमगर, उत्तमराज पाण्डे, सविन कट्टेल, उमेश सोनाम, पवित्रा खड्का, चाहना रानामगर, अनुशा राई, खड्कबहादुर पुन मगरको पनि अभिनय हुनेछ ।

रोल्पाका विभिन्न स्थानमा खिचिने फिल्मको प्रदर्शन १५ जेठलाई तोकिएको छ ।