६ रक-मेटल ब्यान्डले साइन गरेको ‘ज्याक्सन गितार’ मनास्लुको चुचुरोमा

परोपकारको लागि अक्सनमा राखिने

उक्त गितारको विशेषता के हो भने, सन् २०२५ मा बेलायतमा आयोजित डाउनलोड फेस्टिभलमा प्रस्तुति दिने ६ जना रक तथा मेटल कलाकारको हस्ताक्षर त्यहाँ गरिएको छ ।

अनलाइनखबर

२०८२ पुष १३ गते १३:०३

News Summary

Generated by OK AI. Editorially reviewed.

गत सेप्टेम्बर २६ मा इलेक्ट्रिक गितार 'ज्याक्सन गितार' मनास्लुको चुचुरोमा पुर्‍याएर कीर्तिमानी पर्वतारोही गेल्जे शेर्पाले इतिहास रच्नुभयो।
यो गितारमा सन् २०२५ मा बेलायतको डाउनलोड फेस्टिभलमा प्रस्तुति दिने ६ जना रक तथा मेटल कलाकारको हस्ताक्षर गरिएको छ।
गितारलाई विपन्न हिमाली बालबालिकाको शिक्षा सहयोगका लागि लिलामी गर्ने परोपकारी संस्था 'मेटल फर नेपाल' को अभियानको हिस्सा हो।

काठमाडौं । यतिबेला विश्व संगीत जगतमा ‘ज्याक्सन गितार’ को चर्चा भैरहेको छ । गत सेप्टेम्बर २६ मा यो इलेक्ट्रिक गितारले विश्वको आठौं अग्लो हिमाल मनास्लुको चुचुरोमा पुगेर इतिहास रच्यो ।

कीर्तिमानी पर्वतारोही गेल्जे शेर्पाले बोकेर यो विद्युतीय वाद्ययन्त्रलाई चुचुरोमा पुर्‍याएका थिए । सम्भवतः मनास्लुको चुचुरोमा लगिएको यो पहिलो गितार हुनसक्ने विश्वास गरिन्छ ।

जसमा ग्रीन डे, डार्कनेस, क्र्याडल अफ फोल्ट, कोर्न, सेक्स पिस्टल र मेशुग्गाह छन् । यी सबैले उक्त गितारमा हस्ताक्षर गरेका छन् ।

विवरणमा जनाइएअनुसार, चुचुरोमा लगिएको उक्त गितारलाई विपन्न हिमाली बालबालिकाका लागि चलिरहेको शैक्षिक परियोजनालाई आर्थिक सहयोग गर्न परोपकारी संस्थाको लागि लिलामी गरिनेछ ।

यो आरोहण हिमालयका बालबालिकाको शिक्षा र कल्याणलाई सहयोग गर्ने गैर-नाफामुखी संस्था ‘मेटल फर नेपाल’ को परोपकारी अभियानको उद्देश्य थियो ।

यो फेस्टिभललाई डाउनलोड फेस्टिभल, मेटल ह्यामर र केराङ जस्ता संस्थाले सघाएका छन् ।