दीपकराज गिरी भन्छन्- आखिर म पनि निर्वाचनमा उठ्ने नै भएँ

News Summary

Generated by OK AI. Editorially reviewed.

फिल्म निर्माता तथा अभिनेता दीपकराज गिरीले फागुनमा छायांकन सुरु हुने फिल्ममा अन्यायविरुद्ध निर्वाचनमा होमिएको उम्मेदवारको भूमिका निभाउने बताएका छन्।
दीपकराज गिरीले तत्काल राजनीतिमा लाग्ने सम्भावना खण्डन गर्दै फिल्मलाई निरन्तरता दिने बताएका छन्।
फागुन २१ मा हुने प्रतिनिधिसभा चुनावमा दीपकराज गिरीले परिवर्तनकारी पक्षलाई समर्थन गर्ने उल्लेख गरेका छन्।

काठमाडौं । फिल्म निर्माता तथा अभिनेता दीपकराज गिरीले मंगलबार बेलुका फेसबुकमा सांकेतिक स्टाटस पोस्ट गरेका छन्, जसले उनको आउँदो फिल्मको कथावस्तु, चरित्र चित्रणबारे धेरै कुरा बताउँछ ।

उनी लेख्छन्, ‘आखिर म पनि निर्वाचनमा उठ्ने नै भएँ ।’

समयक्रममा धेरैजनाले आफूलाई कांग्रेस, एमाले, राजावादी र माओवादी भएको बताउने गरेको र पछिल्लो समय धेरैले आफूलाई राष्ट्रिय स्वतन्त्र पार्टी (रास्वपा) ठान्ने गरेको किस्सा उनले सुनाएका छन् ।

फागुनमा छायांकन सुरु हुन लागेको फिल्ममा आफूले अन्यायविरुद्ध निर्वाचनमा होमिएको उम्मेदवारको कथामा अभिनय गर्न लागेको उल्लेख गरेका छन् । ‘म उठ्ने त्यसैमा हो’ उनले चरित्र चित्रणबारे भनेका छन् ।

तत्काल राजनीतिमा लाग्ने सम्भावनाको खण्डन गर्दै गिरीले फिल्मलाई निरन्तरता दिने बताएका छन् । लेख्छन्, ‘मैले जानेको पनि यहि नै हो । जे जान्दछु, गर्ने पनि त्यहि नै हो !’

उनले फागुन २१ मा हुने प्रतिनिधिसभाको चुनावमा आफूले परिवर्तनकारी पक्षलाई समर्थन गर्ने पनि दीपकले खुलाएका छन् । ‘जहाँसम्म समर्थनको कुरा छ, यो पल्ट मेरो समर्थन परिवर्तनकारी पक्ष तिर नै रहनेछ ! सबैको जय होस’ उनले लेखेका छन् ।

केही समययता दीपकले ‘छ माया छपक्कै’ को दोस्रो श्रृंखला बनाउने चर्चा छ । अनलाइनखबरसँगको कुराकानी यो फिल्मको दोस्रो श्रृंखला बन्ने बताए ।