सम्पत्ति शुद्धीकरण अनुसन्धानबारे दुई विभागबीच समझदारी अद्यावधिक

News Summary

Generated by OK AI. Editorially reviewed.

सम्पत्ति शुद्धीकरण विभाग र कसुरजन्य सम्पत्ति व्यवस्थापन विभागबीच २१ कात्तिक २०८१ मा भएको समझदारी अध्यावधिक गरिएको छ।
समझदारी अनुसार अनुसन्धान क्रममा बरामद सम्पत्ति यथाशीघ्र व्यवस्थापन विभागलाई उपलब्ध गराइने छ।
अनुसन्धान विभागले १४ करोड ९७ लाख ४६ हजार रुपैयाँ व्यवस्थापन विभागको धरौटी खातामा जम्मा गर्ने निर्णय गरेको छ।

१६ पुस, काठमाडौं । सम्पत्ति शुद्धीकरण विभाग र कसुरजन्य सम्पत्ति व्यवस्थापन विभागबीच भएको समझदारी अध्यावधिक गरिएको छ ।

दुई विभागबीच २१ कात्तिक २०८१ मा भएको समझदारी अद्यावधिक गरिएको सम्पत्ति शुद्धीकरण विभागले जनाएको छ ।

पछिल्लो समझदारी अनुसार कानुनी प्रावधान बमोजिम दुवै निकायले एकापसमा कार्यात्मक सहयोग र समन्वय अभिवृद्धि गर्दै आपसी जिम्मेवारी निर्वाह गर्ने विश्वास लिएको विभागले जनाएको छ ।

समझदारी अनुसार सम्पत्ति शुद्धीकरण अनुसन्धान विभागबाट अनुसन्धान क्रममा बरामद भएका, रोक्का राखिएका वा नियन्त्रणमा लिएका सम्पत्ति तथा साधन यथाशीघ्र कसुरजन्य सम्पत्ति व्यवस्थापन विभागलाई उपलब्ध गराइने छ ।

ती सम्पत्ति तथा सामान अदालतको आदेश/फैसला तथा कानुन अनुसार कसुरजन्य सम्पत्ति व्यवस्थापन विभागले व्यवस्थापन गर्ने भएको छ ।

सहमतिपछि अनुसन्धान विभागले हालसम्म अनुसन्धान क्रममा बरामद भएको, रोक्का तथा धरौटी राखिएको १४ करोड ९७ लाख ४६ हजार रुपैयाँ व्यवस्थापन विभागको धरौटी खातामा जम्मा गर्ने निर्णय समेत गरिएको छ । उक्त रकमको अभिलेख दुवै विभागमा अध्यावधिक गरी राख्ने व्यवस्था गरिएको छ ।