एमालेका केन्द्रीय सदस्यहरू प्रादेशिक रुपमा चुनावी रणनीति बनाउँदै

News Summary

Generated by OK AI. Editorially reviewed.

नेकपा एमालेका केन्द्रीय सदस्यहरूले फागुन २१ को निर्वाचनका लागि सातै प्रदेशमा चुनावी रणनीति बनाउन प्रादेशिक बैठक बसेका छन्।
प्रदेश संयोजकहरूले आफ्नो प्रदेशबाट प्रतिनिधि र केन्द्रीय सदस्यसहित बैठक बोलाएका छन्।
लुम्बिनी, कर्णाली र गण्डकी प्रदेशले २७ पुसमा र मधेस, बागमती, कोशी, सुदुरपश्चिमले २८ पुसमा बैठक बोलाएका छन्।

२७ पुस, काठमाडौं । नेकपा एमालेका केन्द्रीयहरू फागुन २१ को निर्वाचनको तयारीका लागि रणनीति तयार पार्न छलफलमा जुटेका छन् ।

केन्द्रीय कमिटीको बैठकमा भाग लिन आएका केन्द्रीय सदस्यहरूले काठमाडौंमा प्रादेशिक बैठक बसेर चुनावी रणनीति बनाउन लागिपरेका छन् ।

सातै वटा प्रदेशका संयोजकहरूले आफ्नो प्रदेशबाट प्रतिनिधित्व गर्ने पदाधिकारी तथा केन्द्रीय सदस्यसहितको बैठक बोलाएका हुन् ।

यस्ता बैठक कतिपयले पार्टी केन्द्रीय कार्यलय च्यासलमा त कतिपयले आफूलाई अनुकुल हुने स्थानमा आयोजना गरेका छन् ।

केन्द्रीय कार्यलय सचिव डा.भीष्म अधिकारीका अनुसार सम्बन्धित प्रदेशमा निर्वाचन केन्द्रीत रणनीति बनाउन सहजहोस भन्ने उद्धेश्यले सबै प्रदेशका संयोजकहरूले बैठक बोलाएका हुन् ।

लुम्बिनी, कर्णाली र गण्डकी प्रदेशले आज बैठक बोलाएका छन् । मधेस,बागमती,कोशी,सुदुरपश्चिमले भोलीलाई बैठक बोलाएका छन् । कतिपय प्रदेशका बैठकमा अध्यक्ष केपी शर्मा ओली आफैं उपस्थित हुने तयारी गरेका छन् ।