कांग्रेसको आधिकारिकता गगन नेतृत्वले पाएपछि महेश बस्नेत- वैदेशिक हस्तक्षेपको नाङ्गो नाच

News Summary

Generated by OK AI. Editorially reviewed.

नेकपा एमालेका सचिव महेश बस्नेतले नेपाली कांग्रेसको आधिकारिकता गगन थापा नेतृत्वलाई निर्वाचन आयोगले दिनुलाई विदेशी हस्तक्षेप भएको टिप्पणी गरेका छन्।
बस्नेतले निर्वाचन आयोगजस्तो संवैधानिक निकायमा वैदेशिक हस्तक्षेप देखिनुलाई लोकतन्त्र र विधिको शासनमाथिको नाङ्गो प्रहार भनेका छन्।
उहाँले लोकतन्त्र, संविधान र राष्ट्रियताका पक्षधरहरूलाई एक जुट भई वैकल्पिक आन्दोलनमा उत्रिन आग्रह गर्नुभएको छ।

२ माघ, काठमाडौं । नेकपा एमालेका सचिव महेश बस्नेतले नेपाली कांग्रेसको आधिकारिकता गगन थापा नेतृत्वले पाउनुलाई विदेशी हस्तक्षेप भएको टिप्पणी गरेका छन् ।

शुक्रबार सामाजिक सञ्जाल फेसबुकमार्फत बस्नेतले लोकतन्त्र र विधिको शासनमाथि नाङ्गो प्रहार भएको बताएका हुन् ।

‘नेपाली कांग्रेसको आधिकारिकता विभाजित गगन थापा पक्षलाई निर्वाचन आयोगले दिनु लोकतन्त्र र विधिको शासनमाथिको नाङ्गो प्रहार हो,’ उनले भने, ‘निर्वाचन आयोगजस्तो संवैधानिक निकायमै वैदेशिक हस्तक्षेपको नाङ्गो नाच देखिनु अत्यन्तै विडम्बनापूर्ण र चिन्ताजनक विषय हो ।’

उनले अहिलेको परिस्थितिमा लोकतन्त्र र राष्ट्रियताका पक्षधरहरू एक जुट हुन पनि आग्रह गरेका छन् ।

उनले भनेका छन्, ‘यस्तो परिस्थितिमा लोकतन्त्र, संविधान र राष्ट्रियताका पक्षधर सम्पूर्ण शक्तिहरू एकजुट भई वैकल्पिक/पर्यायी आन्दोलनमा उत्रिनु अपरिहार्य भएको छ ।’