गगन-शेखर मिलेर जाने सहमति भइसक्यो : सुनिल शर्मा

News Summary

Generated by OK AI. Editorially reviewed.

नेता सुनिल शर्माले गगनकुमार थापा र शेखर कोइरालाबीच पार्टी एकताका लागि मिलेर अघि बढ्ने सहमति भइसकेको बताएका छन्।
शर्माले शेखर कोइरालाले पार्टी बचाउन आफूले सर्वस्वहरण गरेको उल्लेख गर्दै पार्टी फुट्न नदिन आग्रह गरेका छन्।
उनले कांग्रेसका सबै समूहले गगन थापा नेतृत्वमा एकताबद्ध भएर निर्वाचनमा विजयी हुनुपर्ने बताए।

४ माघ, काठमाडौं । नेपाली कांग्रेसका नेता सुनिल शर्माले पार्टी सभापति गगनकुमार थापा र नेता शेखर कोइरालाबीच मिलेर अघि बढ्ने सहमति भइसकेको बताएका छन् ।

बत्तिसपुतलीस्थित अनुपम फुडल्यान्डमा कोइराला समूहको भेलापछि पत्रकारहरूसँग कुरा गर्दै शर्माले दुई नेताबीच मिलेर अघि बढ्ने सहमति भइसकेको बताएका हुन् ।

‘शेखर दाहरू गगन थापासँग मिलेर जाने कुरा अलरेडी निर्णय भइसकेको कुरा हो । उहाँहरूलाई पार्टी फुटेको मन परेको होला, होइन । उहाँहरूको त पार्टी बनाउन कति वर्ष जेल बस्नुभएको छ, सर्वस्वहरण भएको छ,’ उनले भने, ‘आफ्नो सर्वस्वहरण गरेर बनाएको पार्टी आफू जलेर भए पनि शेखर कोइरालाले पार्टी बचाइदिनुहुन्छ । यसरी बुझ्नुपर्छ । पार्टी बचाउनुपर्छ । पार्टी बचाउन लागिरहनुभएको छ ।’

नेता शर्माले कांग्रेस सभापति थापा पनि पार्टीलाई एकताबद्ध बनाएर लैजाने लागिपरेको बताए । निर्वाचनमा विजयी हुनलाई पनि कांग्रेसका सबै समूह गगन थापा नेतृत्वमा एकताभएर अघि बढ्नुको विकल्प नरहेको पनि बताए ।