धरानका दृष्टिविहिन विद्यार्थीमाझ सन्दीप क्षेत्री : कमेडीसँगै सुनाए प्रेरणादायी कुरा

News Summary

Generated by OK AI. Editorially reviewed.

सन्दीप क्षेत्रीले धरानस्थित पूर्वाञ्चल ज्ञानचक्षु विद्यालयका ७० दृष्टिविहिन विद्यार्थीका लागि मोटिभेसनसहितको लाफ्टर सेसन चलाए।
सेयरिङ ह्याप्पिनेस फाउन्डेसनले आयोजना गरेको कार्यक्रममा २०० जनाभन्दा बढी विद्यार्थी र अभिभावक सहभागी थिए।
संस्थाका राज श्रेष्ठले दृष्टिविहिन विद्यार्थीलाई जीवनप्रति आशावादी र आत्मबलसहित अघि बढाउने उद्देश्यले कार्यक्रम आयोजना गरिएको बताए।

काठमाडौं । चर्चित हाँस्य कलाकार सन्दीप क्षेत्री कमेडीसँगै आफ्नो सामाजिक र दयालु छविको कारणले पनि प्रशंसकमाझ परिचित छन् । उनले बेला–बेलामा हाँस्य कलालाई प्रेरणादायी कार्यको लागि प्रयोग गर्छन् ।

मंगलबार उनले धरानका दृष्टिविहिन विद्यार्थीको लागि ‘मोटिभेसनसहितको लाफ्टर सेसन’ चलाए । त्यहाँस्थित पूर्वाञ्चल ज्ञानचक्षु विद्यालयका ७० जना दृष्टिविहिन विद्यार्थीले उक्त सत्रमा सन्दीपबाट मनोरञ्जनसँगै प्रेरणा र आशावादीका कुरा सिके र सुने ।

सन्दीपलाई सुन्न ती विद्यार्थी अभिभावकसहित सहभागी थिए । कूल सहभागी संख्या २०० जनाभन्दा धेरै थिए ।

‘सन्दीप क्षेत्री फर स्पेसल चाइल्ड्स’ नाम दिइएको उक्त कार्यक्रमलाई सेयरिङ ह्याप्पिनेस फाउन्डेसनले आयोजना गरेको हो । संस्थाका राज श्रेष्ठका अनुसार दृष्टिविहिन विद्यार्थीलाई जीवनप्रति आशावादी र आत्मबलसहित अघि बढाउने उद्देश्यले सन्दीपसहित लाफ्टर सेसन चलाइएको बताए ।

पछिल्लो समय निकै ब्यस्त कमेडियन क्षेत्री देश तथा विदेशमा निकै रुचाइने हास्यकलाकारमध्ये पर्छन् ।