विष पिएर हिंसा रोकेँ : गृहमन्त्री अर्याल

News Summary

Generated by OK AI. Editorially reviewed.

गृहमन्त्री ओमप्रकाश अर्यालले विष पिएर पनि हिंसा रोक्न सफल भएको बताएका छन्।
अर्यालले जेनजी आन्दोलनपछि आफूमाथि चौतर्फी आक्रमण हुँदा पनि हिंसा भड्किन नदिएको बताए।
उनले सुरक्षा फौजको मनोबल उकासेको र अधिकारको दुरुपयोग रोकिएको दाबी गरे।

६ माघ, काठमाडौं । गृहमन्त्री ओमप्रकाश अर्यालले विष पिएर आफूले हिंसा रोकेको बताएका छन् । मंगलबार गृहमन्त्रालयमा भएको कार्यक्रममा बोल्दै मन्त्री अर्यालले जेनजी आन्दोलनपछि सबैतिरबाट आफूमाथि चौतर्फी आक्रमण हुँदा पनि हिंसा भड्किन नदिएको बताए ।

‘जेनजी आन्दोलनपछि ममाथि चौतर्फी आक्रमण भएको थियो । जेनजीकै नाममा पनि कतिपयले हिंसा गर्न खोजेका थिए । त्यतिबेला विष आफूले पिएर हिंसा रोकेको हुँ । सबैतिरबाट आक्रमण हुँदा पनि विचलित नभई काम गर्‍यौं’ मन्त्री अर्यालले भने ।

राजनीतिक हिंसा गर्न खोजे पनि त्यसलाई पूर्ण रुपमा रोकेको दाबी मन्त्री अर्यालले गरे । गिरेको सुरक्षा फौजको मनोबल पनि आफूले उकासेको उनले दाबी गरे ।

‘पहिला सुरक्षा निकायमा पक्षपात, दुरुपयोग हुन्थ्यो । नियुक्ति, सरुवा, बढुवामा अनियमितता हुन्थ्यो । त्यो अहिले कतै भएको छैन । अहिले अधिकारको दुरुपयोग नहुँदा मनोबल उठेको छ । यो पटक बल्ल सुरक्षाकर्मीले म सुरक्षाकर्मी हुँ भन्ने महसुस गरेका छन्’ मन्त्री अर्यालले भने ।