गोठाटारस्थित श्रीकृष्ण बेभरेजको पानीमा भेटियो ‘एमोनिया’

News Summary

Generated by OK AI. Editorially reviewed.

खाद्य प्रविधि तथा गुण नियन्त्रण विभागले कागेश्वरी मनोहरा नगरपालिका गोठाटारस्थित श्रीकृष्ण बेभरेजको पानीमा एमोनिया पोजिटिभ फेला परेको बताएको छ।
विभागले ७ माघमा मोबाइल खाद्य प्रयोगशाला भ्यानसहितको छड्के अनुगमन क्रममा उक्त उद्योगमा व्यक्तिगत सरसफाइमा ध्यान नदिएको र पन्जा नलगाइ जार भर्ने भेटिएको उल्लेख गरेको छ।
खाद्य स्वच्छता तथा गुणस्तर ऐन २०८१ बमोजिम थप परीक्षणका लागि नमुना संकलन गरिएको र उद्योगलाई मापदण्ड पालना गर्न निर्देशन दिइएको छ।

११ माघ, काठमाडौं । खाद्य प्रविधि तथा गुण नियन्त्रण विभागले कागेश्वरी मनोहरा नगरपालिका गोठाटारस्थित एक पानी उद्योगको पानीमा मानव स्वास्थ्यका लागि हानिकारक मानिने ‘एमोनिया’ फेला पारेको छ ।

विभागले ७ माघमा काठमाडौं उपत्यकाभित्र सञ्चालन गरेको मोबाइल खाद्य प्रयोगशाला भ्यानसहितको छड्के अनुगमन क्रममा कागेश्वरी मनोहरा–९ गोठाटारमा रहेको श्रीकृष्ण बेभरेजमा यस्तो कैफियत फेला परेको हो ।

मोबाइल प्रयोगशालामा गरिएको किट परीक्षण क्रममा उक्त उद्योगको जारको पानीमा एमोनिया पोजिटिभ पाइएको विभागले जनाएको छ ।

यस्तै उद्योगमा काम गर्ने कामदारले व्यक्तिगत सरसफाइमा ध्यान नदिएको र पन्जा नलगाइ जार भर्ने गरेको भेटिएको छ ।

पानीको प्रारम्भिक परीक्षणमा कैफियत देखिएपछि विभागले खाद्य स्वच्छता तथा गुणस्तर ऐन २०८१ बमोजिम थप प्रयोगशाला परीक्षणका लागि नमुना संकलन गरेको छ ।

विभागले उक्त उद्योगलाई प्रशोधित पिउने पानी उत्पादन मापदण्ड सम्बन्धी निर्देशिका २०७४ का प्रावधान पूर्णरूपमा पालना गर्न निर्देशन दिएको छ ।