अब चर्चित टिकटक स्टार खाबी लेमको बन्नेछ ‘एआई अवतार’ भिडियो

News Summary

Generated by OK AI. Editorially reviewed.

विश्वकै चर्चित टिकटक स्टार खाबी लेमले हङकङस्थित रिच स्पार्कल होल्डिङ्ससँग ९७५ मिलियन डलर बराबरको अल-स्टक डिल गरेका छन्।

विश्वकै चर्चित टिकटक स्टार खाबी लेमले हङकङस्थित रिच स्पार्कल होल्डिङ्स नामक कम्पनीसँग झन्डै एक अर्ब डलर बराबरको व्यापारिक सम्झौता गरेका छन् । अमेरिकाबाट डिपोर्ट भएको सात महिना नपुग्दै लेमले ९७५ मिलियन डलर (करिब १ खर्ब ३० अर्ब नेपाली रुपैयाँ)को ऐतिहासिक ‘अल-स्टक’ डिल गरेका हुन् ।

अल-स्टक डिलमा खरिदकर्ता कम्पनीले बिक्रेतालाई नगद पैसा दिनुको सट्टा आफ्नै कम्पनीको शेयर दिन्छ । यससँगै लेम पनि उक्त कम्पनीको प्रमुख शेयरकर्ता भएका छन् ।

अब सो कम्पनीले खाबीको अनुहार, आवाज र व्यवहारलाई एआईमा प्रयोग गर्नेछ । यसले गर्दा खाबी आफैंले भिडिओ सुट नगरे पनि उनको एआई अवतारले संसारका विभिन्न भाषामा भिडियो कन्टेन्टहरू तयार पार्नेछ । यस सम्झौताबाट वार्षिक ४ अर्ब डलर बराबरको व्यापार हुने अपेक्षा गरिएको छ ।

को हुन् खाबी लेम ?

२५ वर्षीय सेनेगली-इटालियन मूलका खाबीले सन् २०२० मा फ्याक्ट्रीको मेसिन अपरेटरको काम गुमेपछि टिकटक सुरु गरेका थिए । बिना आवाज, केवल शारीरिक हाउभाउका माध्यमबाट बनाइने टिकटकका कारण उनी एकाएक चर्चामा आएका थिए ।

अहिले टिकटकमा उनको १६ करोड बढी फलोअर्स छ । अब उनले एआई प्रविधिमार्फत ‘साइलेन्ट पार्टनर’ का रूपमा काम गर्नेछन् । उनलाई अमेरिकी अध्यागमन अधिकारीहरूले भने भिसा सकिएको कारण डिपोर्ट गरेका थिए ।