फेरि एकसाथ राजेश-करिश्मा (तस्वीर)

Listen News

0:00

0:30

🔊

News Summary

Generated by OK AI. Editorially reviewed.

राजेश हमाल र करिश्मा मानन्धरले दुई वर्षपछि नयाँ म्युजिक भिडियो 'सलल फूलको थुंगा' मा सहकार्य गरेका छन्।
करिश्माले सामाजिक सञ्जालमा 'धेरैपछिको भेटघाट' भन्दै हमालसँगको छायांकनका फोटोहरू सार्वजनिक गरेकी छन्।
देवेन्द्र पान्डेको निर्देशनमा तयार भएको यो म्युजिक भिडियोमा यी दुई वरिष्ठ कलाकारलाई देख्न पाइनेछ।

काठमाडौं । राजेश हमाल र करिश्मा मानन्धर लोकप्रिय अनस्क्रिन जोडीको रुपमा दर्शकमाझ परिचित छन् । उनीहरूलाई पर्दामा एकसाथ हेर्न पनि दर्शक सँधै उत्सुक हुने गर्छन् ।

दर्जनौं फिल्ममा सहकार्य गरेर यी दुईले दर्शकलाई हिट फिल्म दिए । राजेश-करिश्माले पछिल्लोपटक सन् २०१३ को फिल्म ‘किन किन’ मा जोडीको रुपमा सहकार्य गरेका थिए । करिश्मा प्रस्तुतकर्ता रहेको सन् २०१६ को फिल्म ‘फागु’ मा हमाल कलाकारको रुपमा थिए ।

ठूलो पर्दामा नभएपनि म्युजिक भिडियोमा यी दुईजना वरिष्ठ कलाकार एकसाथ देखिँदै आएका छन् । दुईवर्षअघि उनीहरू एउटा म्युजिक भिडियोमा देखिएका थिए । उनीहरूको अभिनय रहेको नयाँ म्युजिक भिडियोको छायांकन केही दिनअघि सकिएको छ ।

देवेन्द्र पान्डेको निर्देशन रहेको नयाँ म्युजिक भिडियो ‘सलल फूलको थुंगा’ मा यी दुईजनालाई देख्न पाइनेछ । करिश्माले सामाजिक सञ्जालबाट समेत यसको जानकारी दिएकी छन् । ‘धेरैपछिको भेटघाट’ भन्दै उनले हमाल र आफ्नो छायांकनका फोटोहरू सार्वजनिक गरेकी छन् ।

‘पुरानो साथीसँग लामो समयपछि काम गर्दा उत्साहित भएँ’ करिश्माले यो म्युजिक भिडियोबारे भनिन्, ‘म्युजिक भिडियोमा भएपनि हामी २ वर्षपछि फर्किएका छौं ।’