२ फागुन, काठमाडौं । नेकपा एमालेका आम निर्वाचन प्रचार संयोजक मीनबहादुर शाहीले जेनजी आन्दोलनका जायज पक्षको आफ्नो पार्टीले विरोध नगरेको दाबी गरेका छन् । शनिबार पार्टी केन्द्रीय कार्यालय च्यासलमा आयोजित पत्रकार सम्मेलन शाहीले जेनजी आन्दोलनका क्रममा भएका हिंसा र आगजनीका घटनाको मात्रै एमालेले विरोध गरेको बताएका हुन् ।
‘जेनजी पुस्ताले सुशासनको, भ्रष्टाचार न्यूनीकरण, सेवा प्रवाहलाई अझ प्रभावकारी बनाउने जुन कुरा उठाएका थिए, त्यो त हामीले सुरुवात गरिसकेका थियौँ,’ शाहीले भने, ‘त्यसकारण भ्रम नपरोस् जेनजी पुस्ताले उठाएका जायज रूपान्तरणका मागमा एमालेले विरोध गरेको छैन ।’
एमालेले हिंसा, आगजनी र विध्वंसमा मात्रै कुरा उठाएको शाहीले बताए । ‘हामीले कहाँ प्रश्न उठाएका छौँ भने, हामीले भन्नेगरेका छौँ- हामीलाई हिंसा स्वीकार्य छैन । हामीलाई विध्वंस स्वीकार्य छैन । हामीलाई दण्डहीनता किमार्थ स्वीकार्य छैन,’ उनले भने ।
राज्यका सम्पत्ति क्षतिग्रस्त पारेको र जेल नै तोडेको विषयको एमाले जहिल्यै विरोध गर्ने पनि उनले बताए । ‘हामीले भनेको विषय त्यो हो । सिंहदरबार जलाउने, प्रतिनिधिसभा जलाउने, नख्खु जेल तोड्ने जे कुरा भए भन्ने हिसाबमा मुलुक जलाउने कुराको विरोध गरेका हौँ’, शाहीले अगाडि भने ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpeg "Flat for Rent in Sundarbasti")
.jpeg "Office Space for Rent in Kamaladi")
प्रतिक्रिया 4