‘पारस’ मा निखिलसँगै निरुता पनि

Listen News

0:00

0:30

🔊

News Summary

Generated by OK AI. Editorially reviewed.

अभिनेत्री निरुताले आगामी एक्सन फिल्म 'पारस' मा निखिल उप्रेतीसँग अनुबन्धित भएकी छन्।
फागुन अन्त्यदेखि कृषा चौलागाईं निर्देशित 'पारस' को छायांकन सुरु हुने तयारी छ।
भारतीय पटकथाकार सचिन लादियाले 'पारस' को पटकथा लेखेका हुन्।

काठमाडौं । आगामी एक्सन फिल्म ‘पारस’ मा घरेलु फिल्मका दुई पुराना स्टारहरू निखिल उप्रेती र निरुता सिंहलाई एकसाथ देख्न पाइने भएको छ । अभिनेत्री सिंह बुधबार यो फिल्ममा अनुबन्धित भएकी छन् ।

कृषा चौलागाईंले निर्देशन गर्ने यो फिल्म फागुन अन्त्यदेखि छायांकनमा जाने तयारीमा छ । निरुताले फिल्म साइन गर्ने वित्तिकै यो फिल्मकी को-एक्ट्रेस प्रियंका कार्कीले निरुतासहितको संयुक्त फोटो सेयर गरेकी थिइन् ।

फिल्ममा जसिता गुरुङलाई पनि देख्न सकिन्छ ।

प्रेमकथामा आधारित हुने ‘पारस’ लाई भारतीय पटकथाकार सचिन लादियाले लेखेका हुन् । लादियाले सन् २०१२ को चर्चित भारतीय फिल्म ‘ग्याङ्स अफ वासेपुर’ को भाग १ र २ को पटकथा लेखनमा सहकार्य गरेका थिए ।

कृषाको पहिलो निर्देशकीय फिल्म ‘ऐंचोपैंचो’ हो । उनको पछिल्लो फिल्म ‘पिताम्बर’ थियो । चुनाव लगत्तै फिल्मको छायांकन थाल्ने कृषाको तयारी छ ।