News Summary
Generated by OK AI. Editorially reviewed.- शिखर पावर डेभलपमेन्ट कम्पनीले ९८ करोड रुपैयाँको ३२.६५ प्रतिशत सेयर सर्वसाधारणका लागि निष्कासन गरेको छ।
- सर्वसाधारण समूहका लागि १८ लाख ४२ हजार ६ सय कित्ता सेयर बिक्री खुला गरिएको छ र आवेदन फागुन २६ देखि चैत १ गतेसम्म दिन सकिनेछ।
- कम्पनीले बागलुङमा ४.९६ मेगावाटको भीमखोला स्मल हाइड्रोपावर आयोजना सञ्चालनमा ल्याएको छ र इक्रा नेपालले बीबी रेटिङ प्रदान गरेको छ।
६ माघ, काठमाडौं । शिखर पावर डेभलपमेन्ट कम्पनीले आम सर्वसाधारणका लागि (आईपीओ) निष्कासन गरेको छ ।
कम्पनीले पहिलो चरणमा आयोजना प्रभावित स्थानीयबासी र वैदेशिक रोजगारमा रहेकालाई सेयर बाँडफाँट गरी सर्वसाधारणका लागि आइतबारदेखि बिक्री खुला गरेको हो।
कम्पनीले जारी पूँजी ९८ करोड रुपैयाँको ३२.६५ प्रतिशत सेयर सर्वसाधारण समूहमा निष्कासन गर्न लागेको हो । सर्वसाधारण समूहमा निष्कासन हुने ३२ लाख कित्तामध्ये वैदेशिक रोजगारमा रहेका, प्रभावित, कर्मचारी, म्युचुअल फन्डलाई छुट्याएर बाँकी रहेको १८ लाख ४२ हजार ६ सय कित्ता सेयर सर्वसाधारणका लागि निष्कासन गरेको छ ।
न्यूनतम १० तथा अधिकतम १० हजार कित्तासम्म आवेदन दिन सकिने बिक्री प्रबन्धक ग्लोबल आईएमई क्यापिटलले जनाएको छ । क्यापिटलका अनुसार अनलाइन प्रणाली मेरोसेयरमार्फत आवेदन दिन सकिनेछ । छिटोमा फागुन २६ र ढिलोमा चैत १ गतेसम आवेदन दिन सकिनेछ ।
यस कम्पनीले बागलुङमा ४.९६ मेगावाटको भीमखोला स्मल हाइड्रोपावर आयोजना बनाएर सञ्चालनमा ल्याएको छ । सो आयोजनाको प्रतिमेगावाट लागत २४ करोड १८ लाख २१ हजार ७४१ रुपैयाँ ७० पैसा छ ।
आर्थिक वर्ष २०८१/८२ को अपरिस्कृत वित्तीय विवरणअनुसार कम्पनीको प्रतिसेयर नेटवर्थ ९१ रुपैयाँ १३ पैसा छ । प्रतिसेयर आम्दानी ३.६९ रुपैयाँ ऋणात्मक छ । इक्रा नेपालले कम्पनीलाई बीबी रेटिङ प्रदान गरेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Apartment for Rent in Hattiban")
प्रतिक्रिया 4