‘परालको आगो’ को टिजर : अहिले पनि उत्तिकै सान्दर्भिक महिला पीडाको कथा

Listen News

0:00

0:30

🔊

News Summary

Generated by OK AI. Editorially reviewed.

लक्ष्मण सुनार निर्देशित फिल्म ‘परालको आगो’ को टिजर युट्युबमा सार्वजनिक भएको छ।
फिल्म ‘परालको आगो’ गुरुप्रसाद मैनालीको ‘नासो’ कथासंग्रहमा समावेश कथामा आधारित छ।
फिल्म ११ बैशाखदेखि प्रदर्शन तयारीमा छ र प्रकाश सपुत, सुहाना थापा मुख्य भूमिकामा छन्।

काठमाडौं । लक्ष्मण सुनार निर्देशित फिल्म ‘परालको आगो’ को टिजर युट्युबमा सार्वजनिक भएको छ । गुरुप्रसाद मैनालीको ‘नासो’ कथासंग्रहमा समावेश सोही नामको कथावस्तुमा फिल्म आधारित छ ।

तपाईंले उक्त कथा पढ्नु भएको छ भने यो फिल्मको ‘दृश्य रुपान्तरण’ बारे चासो हुनसक्छ । सार्वजनिक गरिएको टिजरले कथावस्तुबारे संक्षिप्त प्रकाश पार्छ ।

पति-पत्नीको मनमुटाव टिजरमा देख्न सकिन्छ । प्रकाश सपुत र सुहाना थापा यसमा जोडीको भूमिकामा छन् । श्रीमतीले पँधेरोबाट पानी लिएर ढिलो आएपछि श्रीमानले कुट्छन् ।

छिमेकीको भूमिकामा रहेका सौगात मल्ल र उनकी श्रीमतीले छुट्याउन जाँदा ‘अर्काको लोग्नेस्वास्नीको झगडामा नपरेकै राम्रो भन्ने खालका कुरा प्रकाशले गर्छन् ।

दशकौंअघिको नेपाली ग्रामीण परिवेशको सेटिङमा फिल्म छायांकन गरिएको हो । फिल्ममा सिर्जना अधिकारी, किशोर भण्डारी, ज्याक श्रेष्ठ, सरिता भण्डारी, रेणु न्यौपाने र बाल कलाकार मन्जिला बानियाँको पनि अभिनय छ ।

हरिओम सिने मेकर्स प्रालिको ब्यानरमा निर्माण भएको यस फिल्मलाई सुशील देवकोटाले मुल कृतिबाट पटकथामा रुपान्तरण गरेका हुन् । फिल्ममा सुशील पोखरेलको लगानी छ ।

‘परालको आगो’ ११ बैशाखदेखि प्रदर्शन तयारीमा छ ।