प्रतिपक्षी दललाई रविको आग्रह– हामीमाथि चौबिसै घण्टा निगरानी गर्नू

News Summary

Generated by OK AI. Editorially reviewed.

रास्वपा सभापति रवि लामिछानेले प्रतिनिधिसभाको पहिलो बैठकमा आफूहरूमाथि चौबिसै घण्टा निगरानी गर्न प्रतिपक्षी दलहरूलाई आग्रह गर्नुभयो।
लामिछानेले जनताले दिएको विशाल बहुमतको इतिहास गुमाउन नहुने भन्दै प्रश्न सोधेर आएको र नैतिक जिम्मेवारी उति नै रहने बताउनुभयो।
उहाँले आफूहरू प्रश्न देखाउन मात्र नभई जवाफ खोज्न पनि आएको र त्यो देखाउनुपर्ने स्पष्ट गर्नुभयो।

१९ चैत, काठमाडौं । रास्वपा सभापति रवि लामिछानेले आफूहरूमाथि चौबिसै घण्टा निगरानी गर्न प्रतिपक्षी दलहरूलाई आग्रह गरेका छन् ।

बिहीबारबाट सुरु भएको प्रतिनिधिसभाको पहिलो बैठकलाई सम्बोधन गर्ने क्रममा उनले यस्तो आग्रह गरेका हुन् ।

‘प्रतिपक्षीमाथि मेरो अनुरोध छ, हामीमाथि चौबिसै घण्टा निगरानी राख्नुहोला,’ लामिछानेले भने । साथै, उनले आफ्ना सांसदहरूलाई प्रश्न सोधेर आएको सम्झाउँदै जिम्मेवारी पनि उति नै रहने बताए ।

‘जनताले हामीलाई दिएको विशाल बहुमतको इतिहास, यो पनि फेरि गुमेको अवसर भन्यौं भने हामी फेरि कलंकित हुनेछौं । हामीलाई त्यो मञ्जुर छैन,’ रास्वपा सभापति लामिछानेले भने, ‘रास्वपाका साथीहरूलाई म यो सम्झाउँछु, हामी प्रश्न सोधेर आएका हौं । अहिले बस्ने ठाउँ फेरियो होला । आज पनि ती प्रश्नप्रति हाम्रो नैतिक जिम्मेवारी उति नै छ ।’

साथै, उनले आफूहरू प्रश्न मात्रै देखाउने नभइ जवाफ खोज्न पनि आउने बताए ।

‘हामीलाई प्रश्न देखाउन मात्रै होइन, जवाफ खोज्न पनि आउँछ । हामीले त्यो देखाउनुछ,’ उनले भने ।