२०८२ चैत २१ गते १२:५८ 
News Summary
Generated by OK AI. Editorially reviewed.- एपीएफ क्लबले पीएम कप क्रिकेटमा कर्णाली प्रदेशलाई १० विकेटले पराजित गरेको छ।
- कर्णालीले दिएको १०८ रनको लक्ष्य एपीएफले १२ ओभरमा बिना कुनै विकेटको क्षतिमा पूरा गरेको हो।
- एपीएफका कमलसिंह ऐरीले ४ विकेट लिए भने अभिशेष गौतमले ४ विकेट लिए, कप्तान रोहित पौडैलले १ विकेट लिए।
२१ चैत, काठमाडौं । एपीएफ क्लबले पीएम कप क्रिकेटमा कर्णाली प्रदेशमाथि सहज जित हासिल गरेको छ । शनिबार जनकपुरमा भएको खेलमा एपीएफले कर्णालीलाई १० विकेटले पराजित गरेको हो ।
कर्णालीले दिएको १०८ रनको लक्ष्य एपीएफले १२ ओभरमा बिना कुनै विकेटको क्षतिमा पूरा गर्यो । आसिफ शेखले ३८ बलमा अविजित ६५ तथा दीपक बोहराले ३४ बलमा अविजित ४२ रन बनाए ।
त्यसअघि टस जितेर पहिले ब्याटिङ गरेको कर्णाली प्रदेशले ३६ ओभरमा अलआउट हुँदै १०७ रन मात्र बनाएको थियो । अर्जुन घर्तीले अविजित ३८ रन बनाए भने दीपेन्द्र रावतले २५, रविन्द्र शाहीले १८ अनि सुनिल धमलाले १७ रन बनाए ।
एपीएफका कमलसिंह ऐरीले ९ ओभरमा २६ रन दिएर ४ विकेट लिए भने अभिशेष गौतमले १० ओभरमा ३४ रन दिएर ४ विकेट लिए । कप्तान रोहित पौडैलले १ विकेट लिए ।
प्रतियोगितामा एपीएफको यो दोस्रो जित हो । एपीएफले यसअघि काठमाडौंस्थित माथिल्लो मुलपानीमा बागमती प्रदेशलाई हराएपछि जित निकाल्न सकेको थिएन ।
६ खेलमा एपीएफको ५ अंक भएको छ । कर्णालीले भने ६ खेलमा ९ अंक मात्र जोडेको छ ।
प्रतिक्रिया 4