News Summary
Generated by OK AI. Editorially reviewed.- फिल्म 'कार्की साइँला' को प्रदर्शन मिति नयाँवर्ष २०८३ को अवसरमा १ साउनबाट तय गरिएको छ।
- फिल्ममा जितु नेपालले भरियाको भूमिका निभाएका छन् भने प्रियना आचार्य 'मुन्नी'को भूमिकामा छन्।
- राजेन्द्र बस्नेत निर्देशित फिल्मको छायांकन पूर्वी नेपालका विभिन्न थलोमा गरिएको छ।
काठमाडौं । जितु नेपालको शीर्ष भूमिका रहेको फिल्म ‘कार्की साइँला’ को प्रदर्शन मिति तय भएको छ । नयाँवर्ष २०८३ को अवसरमा निर्माताले मंगलबार पोस्टर सार्वजनिक गर्दै फिल्मको रिलिज डेट घोषणा गरेका हुन् ।
जसअनुसार, यो फिल्म १ साउनदेखि प्रदर्शन हुनेछ । सार्वजनिक पोस्टरमा जितुलाई उनको क्यारेक्टर लुक्समा प्रस्तुत गरिएको छ । उनलाई भरियाको भूमिकामा देखाइएको छ ।
अर्थपूर्ण पोस्टरमा भरिया बनेका जितुले दुःखको पहाडलाई डोकोमा बोकेर हिँडेको देख्न सकिन्छ । जसअनुसार, यो फिल्मको कथावस्तु भरियाको जीवन संघर्ष वरपर हुनसक्ने अनुमान गर्न सकिन्छ ।
अर्थपूर्ण पोस्टरमार्फत फिल्मले कथावस्तुबारे संक्षिप्त प्रकाश पार्न खोजेको देखिन्छ । यो फिल्ममा जितुको अपोजिटमा प्रियना आचार्य ‘मुन्नी’को अभिनय छ । यसअघि सार्वजनिक तस्वीर हेर्दा, फिल्ममा यी दुई दम्पतीको भूमिकामा रहेको बुझ्न सकिन्छ ।
राजेन्द्र बस्नेत निर्देशित यो फिल्मको छायांकन पूर्वी नेपालका विभिन्न थलोमा गरिएको हो । फिल्ममा सुशील पोखरेल, वीरेन्द्र सिंह कुशहुवा, मान्शी शर्मा, मनिल तामाङ, रेणुका आचार्य, दिप्सन लिम्बु, रोदा राई, कमल देवकोटा लगायतको अभिनय छ ।
बालकुमार राई निर्माता रहेको फिल्ममा कृष्ण भगत चाम्लिङ प्रस्तुतकर्ताको रुपमा छन् । कर्णबहादुर फिल्मस् प्रालीको व्यानरमा फिल्म निर्माण भएको हो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4