मुन्नीले साइन् गरिन ‘कार्की साइँला’, जितु नेपालसँग जोडी बाँध्ने

News Summary

Generated by OK AI. Editorially reviewed.

निर्देशक राजेन्द्र बस्नेतको कथानक फिल्म ‘कार्की साइँला’ मा प्रियना आचार्य ‘मुन्नी’ को भूमिका रहने भएको छ।
फिल्ममा जितु नेपालसँग मुन्नीको जोडी बाँधिनेछ र धनकुटामा छायांकन हुने तयारी छ।
फिल्ममा सुशील पोखरेल, वीरेन्द्र सिंह कुशवाह, मान्सी शर्मा लगायतका कलाकारको अभिनय रहनेछ।

काठमाडौं । राजेन्द्र बस्नेतको आगामी निर्देशकीय कथानक फिल्म ‘कार्की साइँला’ मा प्रियना आचार्य ‘मुन्नी’ को प्रवेश भएको छ । निर्मातासँग उनले हालै लिखित सहमति गरेकी छन् ।

यो फिल्ममा उनले जितु नेपालसँग जोडी बाँध्नेछिन् । धनकुटामा छायांकन हुने तयारीमा रहेको फिल्मको शीर्ष भूमिकामा मुन्नी तय भएको जानकारी निर्देशक बस्नेतले दिए ।

जितु र मुन्नीबाहेक यो फिल्ममा सुशील पोखरेल, वीरेन्द्र सिंह कुशवाह, मान्सी शर्मा, मनिल तामाङ, रेणुका आचार्य, दिप्सन लिम्बु, रोदा राई, कमल देवकोटा लगायतको अभिनय हुनेछ ।

कर्णबहादुर फिल्मस् प्रालिको व्यानरमा निर्माण हुने फिल्ममा बालकुमार राई निर्माताको रुपमा हुनेछन् । कृष्ण भगत चाम्लिङको प्रस्तुति रहने फिल्ममा मुख्य सहायक निर्देशक रोजल थापाले गर्दैछन् भने छायांकन डम्बर राईको रहने छ । द्वन्द्व निर्देशन किरण दाहालको हुनेछ भने संगीत दिप्सन लिम्बु, प्रोडक्सन सिबी भण्डारीको हुनेछ ।

कामको कुरा गर्दा, मुन्नीले हालै ‘झरीपछिको इन्द्रेणी’ मा अभिनय गरेकी थिइन् । बालकलाकारको रुपमा उनले फिल्म ‘निगरानी’ बाट डेब्यू गरेकी थिइन् भने ‘लाज शरणम्’ मा संक्षिप्त भूमिकामा देखिएकी थिइन् ।

उनले नाटक र टेलिभिजन श्रृंखलामा पनि अभिनय गरेकी छन् ।

यो पनि पढ्नुहोस