बुक बिल्डिङबाट सेयर निष्कासन अघि बढाउन नेप्से र ५ कम्पनीबीच सम्झौता

News Summary

Generated by OK AI. Editorially reviewed.

नेपाल स्टक एक्स्चेन्जसँग पाँच कम्पनीले बुक बिल्डिङ विधिबाट सेयर निष्कासन गर्न सम्झौता गरेका छन्।
सम्झौता भएका कम्पनीमा नर्भिक इन्टरनेसनल हस्पिटल, जगदम्बा स्पिनिङ मिल्स, टाइम फर्मास्युटिकल्स, लक्ष्मी स्टिल र पूर्वाञ्चल ल्युब आयल छन्।
नर्भिकले ८ लाख १६ हजार ४८०, जगदम्बाले १८ लाख, टाइमले ४ लाख ३४ हजार ६ सय, लक्ष्मीले १८ लाख र पूर्वाञ्चलले ६ लाख सेयर संस्थागत लगानीकर्ताका लागि छुट्याएका छन्।

३ चैत, काठमाडौं । बुक बिल्डिङ विधिबाट सेयर निष्कासन गर्ने प्रक्रिया अघि बढाउन विभिन्न ५ कम्पनीले नेपाल स्टक एक्स्चेन्ज (नेप्से)सँग सम्झौता गरेका छन् ।

बुक बिल्डिङ निर्देशिका बमोजिम यी कम्पनीले योग्य संस्थागत लगानीकर्ताको लागि छुट्याएको सेयरको शिलबन्दी बोलपत्र सम्बन्धी कार्य सञ्चालन गर्ने सम्बन्धी सम्झौता भएको हो ।

सो निर्देशिका अनुसार बुक बिल्डिङ विधिबाट सेयर निष्कासन गर्न चाहने कम्पनीले स्वचालित विद्युतीय प्रणालीमार्फत बुक बिल्डिङ सम्बन्धी कार्य सञ्चालन गर्न धितोपत्र बजारसँग सम्झौता गर्नुपर्ने हुन्छ । यसपछि मात्रै बुक बिल्डिङबाट सेयर निष्कासनका लागि अन्य प्रक्रिया अघि बढ्दछ ।

बुक बिल्डिङ विधिबाट सेयर निष्कासन प्रक्रिया अघि बढाउन नेप्सेसँग सम्झौता भएका कम्पनीमा नर्भिक इन्टरनेसनल हस्पिटल, जगदम्बा स्पिनिङ मिल्स, टाइम फर्मास्युटिकल्स, लक्ष्मी स्टिल र पूर्वाञ्चल ल्युब आयल छन् ।

नर्भिकले संस्थागत लगानीकर्ताका लागि ८ लाख १६ हजार ४८० कित्ता छुट्याएको छ । त्यस्तै जगदम्बा स्पिनिङले १८ लाख, टाइम फर्मास्युटिकल्सले ४ लाख ३४ हजार ६ सय कित्ता, लक्ष्मी स्टिलले १८ लाख कित्ता र पूर्वाञ्चल ल्युब आयलले ६ लाख कित्ता सेयर संस्थागत लगानीकर्ताका लागि छुट्याएका छन् ।