News Summary
Generated by OK AI. Editorially reviewed.- स्नो रिभर्स लिमिटेडले ९३ करोड ७५ लाख रुपैयाँको २० प्रतिशत अर्थात् १८ लाख ७५ हजार कित्ता प्राथमिक सेयर सर्वसाधारणका लागि जारी गरेको छ।
- सेयर आवेदन मेरोसेयर वा सीआस्बा सदस्य बैंकबाट जेठ १ गतेसम्म न्यूनतम १० र अधिकतम १ हजार कित्ताका लागि दिन सकिनेछ।
- कम्पनीले ताप्लेजुङमा १३.५ मेगावाट क्षमताको सुपर काबेली खोला ए जलविद्युत आयोजना सञ्चालन गरेको छ र बीबी प्लस रेटिङ पाएको छ।
२९ वैशाख, काठमाडौं । आम सर्वसाधारणका लागि मंगलबारदेखि स्नो रिभर्स लिमिटेडको प्राथमिक सेयर (आईपीओ) खुलेको छ ।
अंकित मूल्य १ सयका दरले जारी पूँजी ९३ करोड ७५ लाख रुपैयाँको २० प्रतिशत अर्थात् १८ लाख ७५ हजार कित्ता सेयर सर्वसाधारण समूहमा निष्कासन गर्दैछ ।
जसमध्ये आयोजना प्रभावित स्थनीय, वैदेशिक रोजगारमा रहेका, सामूहिक लगानी कोष, कर्मचारी लगायतलाई छुट्याएपछि बाँकी रहेको ७ लाख ७८ हजार १२५ कित्ता सेयर सर्वसाधारणका लागि खुला भएको हो । सेयर निष्कासन तथा बिक्री प्रबन्धकमा सानिमा क्यापिटल रहेको छ ।
अनलाइन प्रणाली मेरोसेयर वा सीआस्बा सदस्य बैंक तथा वित्तीय संस्थाबाट जेठ १ गतेसम्म आवेदन दिन सकिनेछ। न्यूनतम १० अधिकतम १ हजार कित्तासम्मका लागि आवेदन दिन सकिनेछ।
कस्तो छ कम्पनी ?
इक्रा नेपालले कम्पनीलाई बीबी प्लस रेटिङ प्रदान गरेको छ । जसले कम्पनी दायित्व वहन क्षमतामा मध्यम स्तरमा रहेको जनाउँछ । कम्पनीले ताप्लेजुङमा १३.५ मेगावाट क्षमताको ‘सुपर काबेली खोला ए जलविद्युत आयोजना’ सञ्चालन गरेको छ ।
गत पुस मसान्तसम्मको अपरिस्कृत वित्तीय विवरणअनुसार प्रतिसेयर नेटवर्थ १०७. ४६ रुपैयाँ छ । प्रतिसेयर आम्दानी ४.९८ रुपैयाँ छ । संचित नाफा ५ करोड ५९ लाख रुपैयाँ छ ।
कम्पनीले सञ्चालन गरेको आयोजनाको लागत प्रतिमेगावाट २० करोड १४ लाख रुपैयाँ छ । कुल लागत २ अर्ब ७१ करोड रुपैयाँ छ । आयोजनाको साधारण लगानी फिर्ता अवधि ८.१७ वर्ष रहेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4