विश्वकपको गीतमा नेपाली बालबालिकाले बनाएको रिल्सलाई शकिराले सेयर गरिन्

News Summary

Generated by OK AI. Editorially reviewed.

पपस्टार शकिराले फिफा विश्वकप २०२६ को प्रवर्धन गीत 'दाइ दाइ' मा नेपाली बालबालिकाले बनाएको नृत्यसहितको रिल्स इन्स्टाग्राममा सेयर गरेकी छन् ।
उनले नेपाली बालिका आयुषी ढकालसहित विश्वका विभिन्न देशका बालबालिकाले बनाएका आकर्षक रिल्सहरू इन्स्टाग्राममा सेयर गरेकी हुन् ।
विश्वकप फुटबल नजिकिँदै गर्दा कोलम्बियन पपस्टार शकिराको यस नयाँ गीतले विश्वभर चर्चा बटुलिरहेको छ ।

काठमाडौं । पपस्टार शकिराले आफूले गाएको फिफा विश्वकप २०२६ को प्रवर्धनबारेको गीत ‘दाइ दाइ’मा नेपाली बालबालिकाले बनाएको आकर्षक नृत्यसहितको रिल्सलाई सेयर गरेकी छन् ।

इन्स्टाग्राममार्फत उनले नेपाली बालिका आयुषी ढकालसहितका बालबालिकाले बनाएको रिल्सलाई सेयर गरेकी हुन् । उनले उक्त गीतमा रिल्स बनाउने अन्य मुलुकका बालबालिकाले बनाएका गीत पनि सेयर गरेकी छन् ।

विश्वकप फुटबल सुरु हुन केही दिन मात्र बाँकी रहँदा नेपालमा समेत यसको ज्वरो सुरु भएको छ भने शकिराको उक्त गीतले विश्वब्यापी चर्चा बटुलिरहेको छ । केही साताअघि कोलम्बियन पपस्टारले गीत ल्याएकी थिइन् ।

फिफाले यसपटक विश्वचर्चित ब्यान्ड र संगीतकर्मीलाई प्रवर्धनदेखि उद्घाटन, हाफटाइम र क्लोजिङ समारोहमा सांगीतिक प्रस्तुतिका लागि अनुबन्धित गरिसकेको छ ।