News Summary
Generated by OK AI. Editorially reviewed.- वाणिज्य, आपूर्ति तथा उपभोक्ता संरक्षण विभागले म्याद नाघेका खाद्य तथा पेय पदार्थ बिक्रीमा राखेको भन्दै चाबहिलस्थित केबी एग्रो हाम्रो मिट एन्ड मार्टलाई २ लाख ५ हजार रुपैयाँ जरिबाना गरेको छ ।
- अनुगमनका क्रममा उक्त मार्टमा उपभोग्य मिति समाप्त भएका रश बदाम ड्रिंक, फ्यान्टा र स्प्राइट जस्ता पेय पदार्थ फेला परेपछि उपभोक्ता संरक्षण ऐन बमोजिम कारबाही गरिएको हो ।
- विभागले सोही दिन काठमाडौं र ललितपुरका १० वटा अन्य फर्म तथा उद्योगको पनि अनुगमन गरी आवश्यक सुधारका लागि निर्देशन दिएको छ ।
१ साउन, काठमाडौं । वाणिज्य, आपूर्ति तथा उपभोक्ता संरक्षण विभागले म्याद नाघेका खाद्य सामग्री र पेय पदार्थ बिक्रीका लागि राखेको भन्दै काठमाडौं चाबहिलस्थित एक मार्टलाई २ लाख ५ हजार रुपैयाँ जरिबाना तिराएको छ ।
विभागले शुक्रबार गरेको बजार अनुगमन क्रममा कैफियत भेटिएपछि उक्त कारबाही गरेको हो ।
अनुगमन क्रममा काठमाडौं महानगरपालिका–६ चाबहिलमा सञ्चालित केबी एग्रो हाम्रो मिट एन्ड मार्टले उपभोक्ताको स्वास्थ्यमा गम्भीर असर पुर्याउने गरी म्याद नाघेका सामग्री बिक्रीमा राखेको भेटिएको थियो ।
विभाग टोलीले उक्त मार्टमा ‘रश बदाम ड्रिंक’, ‘फ्यान्टा’ र ‘स्प्राइट’ जस्ता पेय पदार्थ उपभोग्य मिति समाप्त भइसक्दा पनि बिक्रीका लागि राखिएको फेला पारेको थियो ।
उपभोक्ता संरक्षण ऐन २०७५ को दफा १६ को उपदफा २ को खण्ड (क) बमोजिमको कसुर गरेको ठहर गर्दै विभागले सोही ऐनको दफा ३९ (१) (ख) को अधिकार प्रयोग गरी उक्त मार्टलाई २ लाख ५ हजार रुपैयाँ तत्काल जरिबाना गरेको हो ।
सोही दिन विभागले काठमाडौं र ललितपुरका विभिन्न स्थानमा रहेका अन्य १० वटा फर्म तथा उद्योग पनि निरीक्षण गरेको थियो । उनीहरूलाई सुधारका लागि सामान्य निर्देशन दिइएको विभागले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Imadol")
%20-%20Copy.jpg "House for Sale at Cozy Homes, Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4