News Summary
Generated by OK AI. Editorially reviewed.- जातीय विभेदविरुद्ध दीपा नेपालीले काठमाडौंको माइतीघर मण्डलामा धर्ना सुरु गरेको ११६ दिन पुगेको छ ।
- राष्ट्रिय सभाको शून्य समयमा सांसद तुलप्रसाद विश्वकर्माले दीपाको मागप्रति सरकारको ध्यानाकर्षण गराउनुभएको छ ।
- सांसद नरबहादुर बिस्टले राजधानीमा थर र जात सोधेर कोठा नदिने प्रवृतिको विरोध गर्दै सरकारको ध्यानाकर्षण गराउनुभएको छ ।
२७ साउन, काठमाडौं । दीपा नेपाली काठमाडौंको माइतीघर मण्डलामा डेरामा हुने जातीय विभेदविरुद्ध धर्नामा छिन् । ‘सरकार ! कोठा खाली छ ?’ भन्दै उनले धर्ना सुरु गरेको ११६ दिन पुग्यो । तर सरकारले उनको मागको सुनुवाइ गरेको छैन ।
यो विषय संसद्मा पनि निरन्तर उठ्दै आएको छ । राष्ट्रिय जनमोर्चाका सांसद तुलप्रसाद विश्वकर्माले यो विषयमा सरकारको ध्यानाकर्षण गरे ।
‘दीपा नेपाली ११६ दिनदेखि ‘सरकार ! कोठा खाली छ ?’ भनेर माइतीघर मण्डलामा धर्नामा हुनुहुन्छ । सरकारको ध्यान त्यता गएको छैन’ उनले बुधबार राष्ट्रिय सभाको शून्य समयमा बोल्दै भने ।
नेपाली कम्युनिस्ट पार्टीका सांसद नरबहादुर बिस्टले पनि यो विषय उठाए ।
‘दीपा नेपालीले सरकार ! कोठा खाली छ ? भनेको ११६ दिन भएछ । यो सरकारले कोठा अहिलेसम्म पाएको रहेनछ’ उनले भने । राष्ट्रिय स्वतन्त्र पार्टीका सभापति रवि लामिछानेले दलितको सन्दर्भमा विगतमा भएको थिचोमिचोउपर माफी मागेका थिए । माफी माग्नुको अर्थ अरु केही नगर्नु हो र भनेर सांसद बिस्टले प्रश्न गरेका हुन् ।
सुदूरपश्चिमबाट काठमाडौं आउँदा गाउँमा भोगिएको जातीय विभेद राजधानीमा पनि अन्त्य नभइसकेको उनको भनाइ छ । काठमाडौँमा घरभाडामा बस्न थर के हो ? जात के हो ? भनेर सोधनी हुने गरेको भन्दै उनी यस्तो प्रवृतिको विरोधमा धर्नामा बसेकी हुन् ।
राजधानीमा जातका आधारमा हजारौं दलित आवासबाट वञ्चित हुने गरेको उनको भनाइ छ ।
उनका अनुसार काठमाडौँमा धेरै दलित विद्यार्थी र जागिरेहरू बाध्य भएर आफ्नो थर परिवर्तन गरेर बसिरहेका छन् । कतिले साथीको नागरिकता प्रयोग गरेर कोठा लिएर बसेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4