News Summary
Generated by OK AI. Editorially reviewed.- नेकपा एमालेले प्रधानमन्त्रीलाई संसद्मा उठेका प्रश्नको जवाफ दिन रुलिङ गरेको भन्दै सभामुख डोल प्रसाद अर्याललाई धन्यवाद दिएको छ ।
- एमाले संसदीय दलकी उपनेता पद्मा अर्यालले संसदको अवरोध हटाउँदै प्रधानमन्त्रीको जवाफ सुनिश्चित भएकोमा सभामुखको प्रशंसा गरिन् ।
- सभामुख अर्यालले प्रतिनिधिसभा नियमावलीअनुसार सांसदहरूको प्रश्नको जवाफ दिन प्रधानमन्त्रीलाई रुलिङ गरेका छन् ।
१ भदौ, काठमाडौं । प्रधानमन्त्री बालेन्द्र शाह (बालेन)लाई संसद्मा उठेका प्रश्नको जवाफ दिन रुलिङ गरेको विषयलाई लिएर नेकपा एमालेले सभामुख डोल प्रसाद अर्याललाई धन्यवाद दिएको छ ।
७८ दिनदेखि जारी अवरोध हटाएपछि सोमबार प्रतिनिधिसभाको बैठकमा बोल्दै नेकपा एमालेको संसदीय दलकी उपनेता पद्मा अर्यालले सभामुखलाई धन्यवाद दिएकी हुन् ।
‘सर्वप्रथम सभामुख महोदयलाई धन्यवाद छ’ उनले भनिन्, ‘लामो समयदेखि यो संसदमा एउटै विषयमा प्रतिपक्षहरूले जवाफ खोजिरहनुभएको थियो । त्यो जवाफको सुनिश्चिततासहित आज जुन रुलिङ भएको छ । म फेरि पनि धन्यवाद भन्न चाहन्छु ।’
१७ जेठ २०८३ मा प्रधानमन्त्री बालेनले प्रतिनिधिसभामा उपस्थित भएर सांसदहरूका प्रश्नको जवाफ दिएका थिए । त्यसक्रममा सीमा सम्बन्धी प्रश्नको जवाफ दिने क्रममा नेपालले पनि भारतको भूमि मिचेको भन्ने अभिव्यक्ति दिएका थिए ।
यसको तथ्य र स्पष्टीकरण मागेर विपक्षीले सोही दिनदेखि संसद्मा विरोध गर्दै आएका थिए । यसक्रममा संसद्मा प्रतिनिधिसभा नियमावलीअनुसार प्रधानमन्त्रीसँग प्रत्यक्ष प्रश्नोत्तर कार्यक्रम संचालन हुन नसकेको विषय उठाउँदै आएका थिए ।
सोमबार सभामुख अर्यालले यो विषयमा प्रधानमन्त्रीलाई रुलिङ गरेका हुन् ।
सभामुखले भनेका छन्, ‘प्रतिनिधिसभाको बैठकमा उपस्थित भइ नियमावलीको नियम ५६, ५७, ५८, ५९ र ६० बमोजिम माननीय सदस्यहरूको प्रश्नको जवाफ दिन म सम्माननीय प्रधानमन्त्रीलाइ रुलिङ गर्दछु ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4