News Summary
Generated by OK AI. Editorially reviewed.- सरकारले संघीय सरकार मातहतका सबै कार्यालयमा अब १५/१५ दिनमा तलब र भत्ता भुक्तानी गर्ने निर्णय गरेको छ।
- महालेखा नियन्त्रक कार्यालयले सबै कोष तथा लेखा नियन्त्रक कार्यालयलाई पत्र लेख्दै अर्धमासिक तलब भुक्तानीको व्यवस्था मिलाउन निर्देशन दिएको छ।
- अर्थ मन्त्रालयले गत वैशाखमा गरेको निर्णय प्रणाली विकास नहुँदा केही महिना ढिलो गरी कार्यान्वयनमा आएको हो।
२ भदौ, काठमाडौं । सरकारले अब संघीय सरकार मातहतका सबै कार्यालयमा १५/१५ दिनमा तलब भुक्तानी गर्ने भएको छ । महालेखा नियन्त्रक कार्यालयले सबै कोष तथा लेखा नियन्त्रक कार्यालय, निवृत्तिभरण व्यवस्थापन कार्यालय र कुमारी चोक तथा केन्द्रीय तहसिल कार्यालयलाई पत्र लेख्दै सो प्रावधानबारे जानकारी गराएको हो ।
अर्थ मन्त्रालयले गत वैशाखमा संघीय सरकार अन्तर्गतका निकायमा कार्यरत कर्मचारीलाई अर्धमासिक रुपमा तलब भुक्तानी दिने निर्णय गरेको थियो । तर, प्रणाली विकास नभएका कारण सो घोषणा कार्यान्वयनमा आइसकेको थिएन ।
कार्यालयले सोमबार एक निर्णय गर्दै हरेक महिनाको १५ दिन व्यतित भएपछि अर्धवार्षिक रुपमा तलब भुक्तानी गराउने बताएको हो । अब अर्धमासिक रुपमा तलब, भत्ता समेत भुक्तानी हुनेछ ।
कार्यालयले कोष तथा लेखा नियन्त्रक कार्यालयहरूको कार्य क्षेत्रभित्रका संघीय निकायबाट माथि उल्लेख अनुसारको भुक्तानीका लागि निकासा माग भए त्यसको व्यवस्था मिलाउन समेत भनेको छ ।
सरकारले निर्णयको सुरुवातमा अर्थ मन्त्रालयबाट यो कार्यक्रम थालेको हो । चालु आवबाट नै सबै संघीय निकायमा अर्धमासिक तलब भुक्तानी विस्तार गर्ने भनिएकोमा कार्यान्वयन १ महिना ढिला हुने भएको हो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4