News Summary
Generated by OK AI. Editorially reviewed.- सर्लाहीको मलंगवामा ट्याक्टरको ठक्करबाट गोडैता नगरपालिका–५ की २३ वर्षकी गुरिया कुमारीको मृत्यु भएको छ।
- ज १त ५२४६ नम्बरको ट्याक्टरले बिहीबार बिहान करिब १० बजे नेपाल बैंक चोक अगाडि पैदलयात्री कुमारीलाई ठक्कर दिएको प्रहरीले जनाएको छ।
- प्रहरीले ट्याक्टर र चालक गोडैता नगरपालिका–११ का १७ वर्षीय अजय साहलाई नियन्त्रणमा लिएको छ, र चालकसँग अनुमति पत्र थिएन।
५ भदौ, सर्लाही । सर्लाही सदरमुकाम मलंगवामा ट्याक्टरको ठक्करबाट एक युवतीको मृत्यु भएको छ । मृत्यु हुनेमा गोडैता नगरपालिका–५ की २३ वर्षकी गुरिया कुमारी रहेकी छन् ।
जिल्ला प्रहरी कार्यालय सर्लाहीका प्रवक्ता तथा डीएसपी वेदप्रसाद गौतमका अनुसार मलंगवा नगरपालिका–८ स्थित नेपाल बैंक चोक अगाडि बिहीबार बिहान करिब १० बजे ज १त ५२४६ नम्बरको ट्याक्टरले पैदलयात्री कुमारीलाई ठक्कर दिएको हो ।
नगरपालिका चोकबाट राजश्री चोकतर्फ जाँदै गरेको उक्त ट्याक्टरले सोही दिशातर्फ पैदल हिँडिरहेकी कुमारीलाई ठक्कर दिँदा उनको टाउकोमा गम्भीर चोट लागेको थियो।
घाइते कुमारीलाई उपचारका लागि प्रादेशिक अस्पताल मलंगवा लगिएको थियो। तर, बिहान १०:२२ बजे चिकित्सकले उनलाई मृत घोषणा गरेका थिए ।
ट्याक्टर र चालक गोडैता नगरपालिका–११ निवासी १७ वर्षीय अजय साहलाई प्रहरीले नियन्त्रणमा लिएको छ। चालकसँग चालकअनुमति पत्रसमेत नरहेको प्रहरीले जनाएको छ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4