News Summary
Generated by OK AI. Editorially reviewed.- जापानी प्रधानमन्त्री सानाए ताकाइचीले नेपालमा आएको भीषण बाढी र क्षतिप्रति गहिरो दुःख व्यक्त गरेकी छन्।
- बाढीमा ५ जना जापानी नागरिक बेपत्ता भएको खबरले आफू अत्यन्तै चिन्तित भएको उनले बताएकी छन्।
- उनले नेपाल सरकार र नेपाली जनताप्रति समवेदना प्रकट गर्दै खोजीका लागि नेपालस्थित जापानी दूतावाससँग सम्पर्क गर्न अपिल गरेकी छन्।
११ भदौ, काठमाडौं । जापानी प्रधानमन्त्री सानाए ताकाइचीले नेपालमा आएको भीषण बाढी र त्यसले पुर्याएको क्षतिप्रति गहिरो दुःख व्यक्त गरेकी छन्। बाढीमा परी ५ जना जापानी नागरिक बेपत्ता भएको खबरले आफूलाई अत्यन्तै चिन्तित बनाएको उनले बताएकी छन्।
सामाजिक सञ्जाल एक्समार्फत ताकाइचीले नेपाल सरकार र नेपाली जनताप्रति हार्दिक समवेदना प्रकट गरेकी छन्। उनले भनेकी छन्, ‘स्थानीय सञ्चारमाध्यमले ५ जना जापानी नागरिक बेपत्ता भएको खबर सम्प्रेषण गरेका छन्, जसले मलाई गहिरो चिन्तामा पारेको छ।’
नेपालस्थित जापानी दूतावासले ती ५ जना नागरिकलाई सम्पर्क गर्न निरन्तर प्रयास गरे पनि सफल हुन नसकेको र खोजी कार्यमा सहयोगका लागि अनुरोध गरेको उनले जानकारी दिएकी छन्।
‘जापानको समयअनुसार बिहान ३:३० बजेसम्म मलाई त्यहाँको सञ्चार अवस्थाबारे पूर्ण जानकारी छैन, तर यदि त्यस क्षेत्रमा एक्समा यो पोस्ट देख्ने कसैलाई उनीहरूको सुरक्षा वा अवस्थाबारे जानकारी छ भने, कृपया नेपालस्थित जापानी दूतावासलाई खबर गरिदिनुहोला,’ उनले अपिल गरेकी छन्।
उनले दूतावासमा सम्पर्क गर्नका लागि +९७७-१-४५२६-६८० नम्बर समेत उपलब्ध गराएकी छन्।
आफ्नो सन्देशमा उनले आफ्ना नागरिक, नेपाली जनता र त्यहाँ रहेका सबै विदेशी नागरिकहरूको सुरक्षाको कामना गर्दै सबैको अमूल्य जीवनको रक्षा होस् भनी प्रार्थना गरेकी छन्।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4