२२ भदौ, काठमाडौं । फिलिपिन्समा गत अगस्ट महिनाको सुरुदेखि सक्रिय मनसुन र चारवटा उष्णकटिबन्धीय चक्रवातका कारण ४३ जनाको मृत्यु भएको छ।
फिलिपिन्सको नागरिक प्रतिरक्षा कार्यालयले आइतबार दिएको जानकारीअनुसार यी प्राकृतिक विपत्तिका कारण कृषि तथा पूर्वाधार क्षेत्रमा नराम्रो असर परेको छ।
विपद्बाट ११ अर्ब ९२ करोड पेसो (करिब १९ करोड १ लाख अमेरिकी डलर) बराबरको आर्थिक क्षति पुगेको प्रारम्भिक अनुमान छ।
तथ्यांकमा क्षतिको विवरणः
मानवीय क्षति : हालसम्म ४३ जनाको मृत्यु भएको छ भने २० जना घाइते भएका छन्। बेपत्ता रहेका ५ जनाको खोजी कार्य अझै जारी छ।
प्रभावित जनसंख्या : विपद्बाट फिलिपिन्सका ६ हजार ९०० गाउँका करिब २९ लाख परिवारका १ करोड २ लाखभन्दा बढी मानिस प्रभावित भएका छन्।
भौतिक क्षति : कुल ४ हजार ५०० घरमा क्षति पुगेको छ। जसमध्ये ३ हजार ९०० घरमा आंशिक क्षति पुगेको छ भने ५८५ वटा घर पूर्ण रूपमा नष्ट भएका छन्।
मनसुन र लगातारका चक्रवातले जनजीवन अस्तव्यस्त बनाउनुका साथै ठूलो मात्रामा कृषि उब्जनी र सडक सञ्जालमा क्षति पुर्याएको त्यहाँका अधिकारीहरूले जनाएका छन्।
(एजेन्सीहरूको सहयोगमा)
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4