News Summary
Generated by OK AI. Editorially reviewed.- नेपाल वायुसेवा निगमले बाढी तथा प्राकृतिक विपद्बाट प्रभावितका लागि अन्तर्राष्ट्रिय स्टेसनबाट पठाइने राहत सामग्रीको ढुवानी शुल्क एक महिनाका लागि पूर्ण छुट दिने निर्णय गरेको छ।
- निगमले दूतावासको आधिकारिक पत्रका आधारमा खाद्यान्न, औषधि, लत्ताकपडा र अन्य आवश्यक राहत सामग्री ढुवानी गर्ने जनाएको छ।
- निगमले यो निर्णयले विभिन्न मुलुक र संघसंस्थाबाट पठाइने राहत सामग्री प्रभावित समुदायसम्म छिटो पुग्ने विश्वास व्यक्त गरेको छ।
२४ भदौ, काठमाडौं । नेपाल वायुसेवा निगमले हालै आएको बाढी तथा प्राकृतिक विपद्बाट प्रभावित नागरिकका लागि पठाइने राहत सामग्रीको हवाई ढुवानीमा विशेष सहुलियत दिने निर्णय गरेको छ ।
निगमले आफ्नो संस्थागत सामाजिक उत्तरदायित्व अन्तर्गत अन्तर्राष्ट्रिय स्टेसनबाट बाढीपीडितका लागि पठाइने राहत सामग्रीमा लाग्ने सम्पूर्ण ढुवानी शुल्क एक महिनाका लागि पूर्ण रूपमा छुट गर्ने जनाएको छ।
निगमका अनुसार सम्बन्धित दूतावाससँग समन्वय गरी दूतावासको आधिकारिक पत्रका आधारमा बाढीपीडितका लागि पठाइने खाद्यान्न, औषधि, लत्ताकपडा तथा अन्य आवश्यक राहत सामग्री ढुवानी गर्दा शुल्क छुट दिइनेछ।
विपद्को समयमा मानवीय सहयोगलाई सहज र प्रभावकारी बनाउन गरिएको यस निर्णयले विभिन्न मुलुक तथा संघसंस्थाबाट नेपाल पठाइने राहत सामग्री प्रभावित समुदायसम्म छिटो पुर्याउन सहयोग पुग्ने निगमले विश्वास व्यक्त गरेको छ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4